تۇركىسىب اۋدانىندا جول ينفراقۇرىلىمىن دامىتۋ بويىنشا قارقىندى جۇمىس جالعاسۋدا. بۇل تۋرالى قالا اكىمى ەربولات دوسايەۆ اۋدان تۇرعىندارىمەن كەزدەسۋدە مالىمدەدى.
وسى جىلدىڭ قازان ايىنىڭ سوڭىنا دەيىن «قايرات» شاعىن اۋدانىنداعى تۇرعىن ءۇي كەشەنى مەن مەكتەپكە 2،7 شاقىرىم كىرمە جولداردى سالۋ جۇمىستارى اياقتالادى. بۇگىندە اسفالتتىڭ 1ء-شى قاباتى توسەلگەن. 2024 جىلدىڭ IIء-شى توقسانىندا ينجەنەرلىك كوممۋنيكاسيالار جۇرگىزىلگەننەن كەيىن قالعان 5،3 شاقىرىم جول توسەلەدى.
اۋداندا ۇزىندىعى 24 شاقىرىم بولاتىن 18 كوشەدەگى جولداردى ورتاشا جوندەۋ جالعاسۋدا. بۇگىنگى تاڭدا سەيفۋللين داڭعىلى، ارال كوشەسى جانە بايرون كوشەسىندەگى ۇزىندىعى 7،7 شاقىرىم جول جابىنىنا اسفالت توسەۋ جۇمىستارى اياقتالدى. اۋدان بويىنشا 30 مىڭ شارشى مەتر جولعا اعىمداعى جوندەۋ جۇرگىزىلدى. قالعان 10 مىڭ شارشى مەترى قازان ايىنىڭ سوڭىنا دەيىن اياقتالادى.
سونداي-اق، قازان ايىنىڭ سوڭىنا دەيىن اۋداننىڭ
5 ماگيسترالدى كوشەسىنىڭ بويىندا 23 شاقىرىم تەحنيكالىق تروتۋار سالىنادى. ولار كوشەلەرگە ەستەتيكالىق ءسان بەرىپ، جيناۋ كەزىندە جاسىل جەلەكتەردى حيميالىق رەاگەنتتەردەن ساقتايدى.