“قورقىت اتا” كينوفەستيۆالى ءوز مارەسىنە جەتتى
تۇركيانىڭ بۋرسا قالاسىندا وتكەن بۇل دودادا قازاقستاندىقتاردىڭ دا اسىعى الشىسىنان ءتۇسىپ، ءۇش بىردەي جۇلدەگە قول جەتكىزدى، دەپ حابارلايدى Almaty-akshamy.kz «حابار 24» تەلەارناسىنا سىلتەمە جاساپ.
تۇركى دۇنيەسىنىڭ مادەني استاناسىندا “قورقىت اتا” سىيلىعى تابىستالدى. وسىمەن ەكىنشى مارتە وتكەن جيىندا تۇركى تىلدەس ەلدەر اراسىندا كينويندۋستريانىڭ ۇزدىك اكتەرلەرى ماراپاتتالىپ، تۋىندىلارى بايگە الدى.
«جاھاندانۋ- قۇندىلىقتاردان اجىراۋ ەمەس، كەرىسىنشە ونى جانداندىرۋ. امبەباپتىلىعىمىزبەن قۇندىمىز. باسقالارعا ۇقساماي، ولارعا ۇلگى بولۋ قاجەت. اعاشتىڭ تامىرى جەرگە نەعۇرلىم تەرەڭدەگەن سايىن، ونىڭ تارالار اۋماعى كەڭەيىپ، بيىكتىگى مەن سىرت ءپىشىنى ۇلعايىپ، بۇتاقتارىنىڭ كولەڭكەسى كەڭەيەتىنىن ۇمىتپايىق. وسى تۇرعىدان، “قورقىت اتانىڭ” بىزگە مۇرا ەتكەن قۇندىلىعىنىڭ ماڭىزى زور»، - دەيدى تۇركيانىڭ مادەنيەت جانە تۋريزم ءمينيسترى مەحمەت نۋري ەرسوي.
بەس كۇن بويى كورەرمەن جان-جاقتان كەلگەن جاۋھار دۇنيەلەردى تاماشالادى. 17 ەلدىڭ مايتالماندارى اراسىنان وتاندىق ءۇش تۋىندىمىز جۇلدەگە ىلىكتى. قازاقستاننىڭ ەڭبەك سىڭىرگەن قايراتكەرى، پروديۋسەر قانات تورەباي تۇركى مادەنيەتىنە قوسقان ۇلەسى ءۇشىن ماراپاتتالدى