قيراعان عيماراتتان قازاقستاندىق قۇتقارۋشىلاردىڭ كۇشىمەن ەكىنشى قازاقستاندىقتىڭ دەنەسى شىعارىلدى
تۇركيادا جوعالعان قازاقستاندىق ميربولات قۇرماشيەۆتىڭ دەنەسى تابىلدى، دەپ حابارلايدى Almaty-akshamy.kz.
بۇل جايىندا تۇركيانىڭ حاتاي قالاسىندا جەر سىلكىنىسىنەن كەيىن حابار-وشارسىز كەتكەن قازاقستاندىقتاردى ىزدەۋگە اتتانعان باستاماشىل توپ Telegram پاراقشاسىندا مالىمدەدى.
«ءبىز ودان ايىرىلىپ قالدىق»،- دەپ جازىلعان حابارلامادا.
ميربولات قۇرماشيەۆتىڭ دەنەسىن ءبىزدىڭ قۇتقارۋشىلار ءۇيىندى استىنان الىپ شىققان.
«تۇركيانىڭ حاتاي پروۆينسياسىنداعى تولىعىمەن قيراعان عيماراتتان قازاقستاندىق قۇتقارۋشىلاردىڭ كۇشىمەن ەكىنشى قازاقستاندىقتىڭ دەنەسى شىعارىلدى. ءۇيىندى جاعدايىنداعى قوزعالىس كەزىندە ىزدەستىرۋ بارىسىندا قۇتقارۋشىلار الدىن الا بەلگىلەنگەن ىزدەستىرۋ ورنىنا جەتۋ ءۇشىن بارىنشا جەدەل تۇردە ارنايى ويىق جاسادى. قۇتقارۋشىلار كىشكەنتاي بوس ورىندار ارقىلى ويىقتىڭ ىشىنە كىردى. بۇل رەتتە قۇتقارۋشىلار قۇرىلىمدىق ەلەمەنتتەر قايتا قۇلاماس ءۇشىن توسقاۋىلدا كىشكەنتاي ساڭىلاۋ جاساۋعا تىرىستى، ۇيىندىدە ءقاۋىپتى ۋچاسكەلەردى بەكىتتى، ءۇيىندى بولشەكتەرىن كوتەرىپ، جىلجىتتى»، - دەپ حابارلادى توتەنشە جاعدايلار مينيسترلىگى.
ەسكە سالا كەتەيىك، ءبىز بۇعان دەيىن Astana Hub تەحنوپاركىنىڭ حالىقارالىق اگەنتى ميربولات قۇرماشيەۆتىڭ تۇركيادا جوعالىپ كەتكەنىن حابارلاعان ەدىك.
جەر سىلكىنىسىنەن كەيىن ميراسپەن بايلانىس ۇزىلگەن.
اعاسى المات قۇرماشيەۆتىڭ ايتۋىنشا، ءزىلزالا كەزىندە ول تۇركيانىڭ حاتاي قالاسىندا بولعان.
كەيىن ميرۋس قۇرماشيەۆتىڭ تاعى ءۇش ارىپتەسى بايلانىسقا شىقپاي قالدى. ونىڭ ەكەۋى قازاقستاندىقتار جانە ءبىرى – تۇركيا ازاماتى.
ونىڭ ىشىندە سابينا مامادياروۆا امان تابىلدى، ال بۇگىن ءادىل قادىربەكوۆتىڭ دەنەسى ءۇيىندى استىنان شىعارىلدى. ءۇشىنشى ادام - تۇركيا ازاماتى دا مەرت بولعان.