تۇركيا مەن سيريانىڭ ءزىلزالا بولعان ايماعىندا تىرىسقاق ءورشۋى مۇمكىن.
ددسۇ وكىلدەرى وسىلاي دەپ دابىل قاعىپ جاتىر. ويتكەنى وڭىردە تازا سۋعا قاتىستى قيىندىقتار بار. سيريادا جەر سىلكىنىسىنە دەيىن ىندەتتىڭ تارالۋى تىركەلگەن، دەپ حابارلايدى Almaty-akshamy.kz.
جەلتوقساندا اۋرۋ جۇقتىرعاندار سانى 60 مىڭنان اسقان ەدى. ول ازداي قارۋلى قاقتىعىستان اۋرۋحانالاردىڭ جارتىسىنان استامى جۇمىس ىستەمەي تۇر. ۇيىم حالىقارالىق قاۋىمداستىقتان 40 ملن دوللار سۇراپ وتىر. بۇگىندە تىرىسقاقتىڭ ءورشۋى الەمنىڭ 20-عا جۋىق ەلىندە تىركەلگەن.
«سۋمەن قامتاماسىز ەتۋ جۇيەسىنە ايتارلىقتاي زاقىم كەلگەن. بۇل ءتۇرلى جۇقپالى اۋرۋلاردىڭ تارالۋى ءقاۋپىن ارتتىرادى. ءبىز ءقازىر بۇۇ، سونداي-اق تۇركيا جانە سيريانىڭ سالالىق مينيسترلىكتەرىنىڭ وكىلدەرىمەن بىرگە جۇمىس ىستەپ جاتىرمىز»، - دەيدى ددسۇ-نىڭ تۇركياداعى وكىلى باتىر بەردىكلىچيەۆ.