پروكۋراتۋرا اپات ايماعىنداعى ۇرلىق فاكتىلەرى بويىنشا تەرگەۋ جۇرگىزىپ جاتىر
تۇركيادا جەل سىلكىنىسىنەن قيراعان تۇرعىن ۇيلەر قۇرىلىسىنا قاتىستى قىلمىستىق ءىس بويىنشا 160 ادام ۇستالدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
"جويقىن جەر سىلكىنىسى بولعان پروۆينسيالاردىڭ پروكۋراتۋرالارى قيراعان نىسانداردىڭ قۇرىلىسىنا قاتىسى بار دەگەن كۇدىكپەن 6 اقپاننان بەرى 564 ادامدى ۇستادى. كەيىننەن ۇستالعانداردىڭ 160-ى قاماۋعا الىندى، 175 كۇدىكتىگە قاتىستى سوت باقىلاۋى تاعايىندالدى"، - دەپ جازدى انادولى اگەنتتىگى.
سونىمەن قاتار، 71 كۇدىكتىنى تۇتقىنداۋعا جانە 61 ادامدى ۇستاۋعا وردەر بەرىلدى.
بۇدان بولەك، پروكۋراتۋرا اپات ايماعىنداعى ۇرلىق فاكتىلەرى بويىنشا تەرگەۋ جۇرگىزىپ جاتىر.
ەسكە سالايىق، 6 اقپاندا كاحرامانماراشتا ماگنيتۋداسى 7 بالدان اساتىن ەكى جەر سىلكىنىسى بولدى. جەراستى دۇمپۋلەرى ەلدىڭ 10 پروۆينسياسىندا، سونداي-اق كورشىلەس مەملەكەتتەردە، سونىڭ ىشىندە سيريادا دا سەزىلدى.سوڭعى مالىمەت بويىنشا، تابيعي اپات سالدارىنان تۇرىك ەلىندە قازا بولعاندار سانى 42،3 مىڭنان استى.