ستامبۇلدا دۇنيەجۇزى قازاقتارىنىڭ كىشى قۇرىلتايى ءوتتى.
قازاقستان تاۋەلسىزدىگىنىڭ 30 جىلدىعى اياسىندا ىستامبۇلدا دۇنيەجۇزى قازاقتارى قاۋىمداستىعىنىڭ «جاھاندانۋ وركەنيەتىندەگى قازاق الەمى» اتتى كىشى قۇرىلتايى ءوتتى، دەپ حابارلايدى Almaty-akshamy.kz قاۋىمداستىققا سىلتەمە جاساپ.
ءماجىلىس الدىندا جەرگىلىكتى بيلىك وكىلدەرى مەن كىشى قۇرىلتاي دەلەگاتتارى جانە قالا تۇرعىندارى تۇرىك پەن قازاققا ورتاق تۇلعا مۇستافا وزتۇرىك اتىنداعى ساياباقتىڭ اشىلۋ سالتاناتىنا قاتىستى. ساياباق قازاقستاننىڭ تۇركياداعى ەلشىلىگى مەن ىستامبۇلداعى باس كونسۋلدىعىنىڭ ۇيىتقى بولۋىمەن اشىلىپ وتىر. اشىلۋدا ىستامبۇل قالاسىنىڭ 800 مىڭ حالقى بار باعجىلار اۋدانىنىڭ اكىمى لوكمان چاعىرىجى، قازاقستان رەسپۋبليكاسىنىڭ ىستامبۇلداعى باس كونسۋلى ءالىم بايەل، دۇنيەجۇزى قازاقتارىنىڭ قاۋىمداستىعى ءتوراعاسىنىڭ ءبىرىنشى ورىنباسارى زاۋىتبەك تۇرىسبەكوۆ ءسوز سويلەپ، داڭقتى سپورتشىنىڭ ەسكەرتكىشى ورناتىلعان ساياباقتىڭ لەنتاسىن كەستى. ءىس-شاراعا م. وزتۇرىكتىڭ قارىنداسى پەريحان مەن گەرمانيادا تۇراتىن قىزى نەسليحان دا قاتىستى.