تۇركيادا جەتى بالدان اساتىن جەر سىلكىنىسى بولدى

دۇيسەنبىدە تۇركيانىڭ وڭتۇستىك-شىعىسىنداعى گازيانتەپ پروۆينسياسىندا 6،4-6،6 ماگنيتۋدالى، كەيىن 7،4 ماگنيتۋدالى قۋاتتى جەر سىلكىنىسى بولدى.

بۇل تۋرالى مەملەكەتتىك توتەنشە جاعدايلار باسقارماسى (Aفاد) ءمالىم ەتتى، دەپ حابارلايدى Almaty-akshamy.kz. قازاقپاراتقا سىلتەمە جاساپ.

اگەنتتىك مالىمەتىنشە، 6،4 جانە 6،6 ماگنيتۋدالى ەكى جەراستى ءدۇمپۋى نۋرداگى اۋدانىندا، 6،6 ماگنيتۋدالى جەر سىلكىنىسى يسلاحيە اۋدانىندا تىركەلگەن. ءزىلزالادان عيماراتتار قيراعان. افاد مالىمەتىنشە، 7،4 باللدىق جەر سىلكىنىسى كاحرامانماراش پروۆينسياسىنداعى پازاردجيك اۋدانىندا جەرگىلىكتى ۋاقىت بويىنشا 04:17-دە 7 كم تەرەڭدىكتە بولعان. سودان كەيىن جەر سىلكىنىسى ءار ءتۇرلى ايماقتاردا - ادانا، انكارا، انتاليا، گازيانتەپ، كايسەري، مەرسين، ترابزون، ۋرفادا جارتى ساعات بويى سەزىلگەن.

تۇركيانىڭ تRT مەملەكەتتىك تەلەارناسى تىكەلەي ەفيردە تۇركيانىڭ وڭتۇستىك-شىعىسىندا ورنالاسقان پروۆينسيالاردىڭ كادرلارىن كورسەتتى. وندا تۇرعىندار سۋىققا قاراماستان، ءزىلزالا قايتالانۋىنان قورقىپ، ۇيلەرىن تاستاپ كەتىپ جاتىر.

الدىن الا مالىمەت بويىنشا، شانلىۋرفا پروۆينسياسىندا كەم دەگەندە 16 ءۇي قيرادى.

تۇركياداعى جەر سىلكىنىسىنەن كەيىن دابىلدىڭ ەڭ جوعارى دەڭگەيى جاريالاندى.

«ەلدە دابىلدىڭ ەڭ جوعارى دەڭگەيى جاريالاندى. ءبىز توتەنشە جاعدايلار باسقارماسىمەن بىرگە وڭىرگە قۇتقارۋشىلار جىبەردىك»، - دەدى ەلدىڭ ءىىم.

ءزىلزالادا زارداپ شەككەن اۋداندارعا گۋمانيتارلىق كومەكتەر ارتىلعان جۇك ۇشاقتارى دا ۇشىرىلماق، ول حالىقارالىق كومەكتى قاراستىرادى.