كەشە كەشكى التىدان اسا تۇركيانىڭ توكات ايماعىنا قاراستى سۋلىساراي اۋدانىندا قۋاتى 5،6 بالدىق جەر سىلكىنىسى بولدى.
ءزىلزالادان كوپتەگەن عيماراتتار ءبۇلىنىپ، اۋىلدىق جەرلەردەگى ۇيلەر قيراعان. دەگەنمەن جاراقات العان نەمەسە قايتىس بولعاندار جوق، دەپ حابارلايدى اlmaty-akshamy.kz.
تۇرعىندار جەر تەربەلىسى سەزىلىسىمەن كوشەگە قاشىپ شىعىپ، الاڭدار مەن ساياباقتارعا جينالدى. جەر سىلكىنىسىنەن كوپ ادام قاتتى ۇرەيلەنىپ، كەيبىرى تالىپ تا قالعان. دارىگەرلەر ولارعا مەديسينالىق جانە پسيحولوگيالىق كومەك كورسەتتى. ماماندار قاۋىپسىزدىك ماقساتىندا ادامدارعا ءبىر ءتۇندى دالادا قۇرىلعان شاتىرلاردا وتكىزۋگە كەڭەس بەردى. جەر ءدۇمپۋىنىڭ اسەرى كورشىلەس جاتقان وبلىستارعا دا سەزىلگەن. ءقازىر توتەنشە جاعدايلار باسقارماسىنىڭ ماماندارى قۇلاعان جانە زاقىم كەلگەن عيماراتتاردى ناقتىلاپ جاتىر.
نۇعىمان حاتيپوعلى، توكات وبلىسىنىڭ اكىمى:
ادامداردىڭ جاتىن ورىنى مەن ىستىق تاماعىن مەملەكەت تاراپىنان دايىنداپ بەردىك. سونداي-اق، بارلىق مەكتەپتەر مەن جوعارى وقۋ ورىندارىندا وقۋشىلارعا ءبىر كۇندىك دەمالىس بەرىلدى. ءقازىر توتەنشە جاعدايلار باسقارماسىنىڭ ماماندارى تۇرعىن ۇيلەردى تەكسەرىپ تۇرۋعا جارامسىزدارىن انىقتاپ جاتىر.