ەلورداداعى «استانا وپەرا» مەملەكەتتىك وپەرا جانە بالەت تەاترىندا تۋريزم جانە سپورت ءمينيسترى ەرمەك مارجىقپايەۆتىڭ قاتىسۋىمەن تۋريزم سالاسىنداعى جىل ۇزدىكتەرىن ماراپاتتاۋ ءراسىمى ءوتتى، دەپ حابارلايدى اlmaty-akshamy.kz.
ءىس-شاراعا تۋريستىك بيزنەس، مەملەكەتتىك ورگانداردىڭ وكىلدەرى، ينۆەستورلار، جۋرناليستەر، ەڭبەك سىڭىرگەن ارداگەرلەر مەن وسى سالانىڭ قىزمەتكەرلەرى قاتىستى. جيىندا تۋريزم جانە سپورت ءمينيسترى تۋريستىك سالا وكىلدەرىنە ەستەلىك سىيلىقتارىن تابىستاپ، قۇتتىقتاۋ ءسوز سويلەدى.
«بۇگىنگى سالتاناتتى جيىندا تۋربيزنەس وكىلدەرىمەن، سالا ارداگەرلەرىمەن، ارىپتەستەرمەن جانە بارلىق مۇددەلى تاراپتارمەن كورىسكەنىمە قۋانىشتىمىن. سىزدەردىڭ ءارقايسىڭىز سالانىڭ قالىپتاسۋى مەن دامۋىنا ەرەكشە ۇلەس قوسىپ كەلەسىزدەر. بۇگىندە سالانىڭ دامۋىنا بار كۇش-جىگەرىن سالىپ جۇرگەن ءبىزدىڭ سەرىكتەستەرىمىزگە، ينۆەستورلارعا، مەملەكەتتىك ورگان وكىلدەرىنە العىس بىلدىرگىم كەلەدى. بيىلعى جىل جەمىستى ءوتتى، بەلگىلى ءبىر ناتيجەلەرگە قول جەتكىزدىك. سونىڭ ناتيجەسىندە بۇگىنگى تاڭدا سالانىڭ نەگىزگى كورسەتكىشتەرى بويىنشا ءوسىم بايقالادى. باسىم اۋماقتاردىڭ ءتىزىمى توپ-20-عا دەيىن كەڭەيتىلدى. وسىلايشا، ءار ايماقتا ءوسۋدىڭ ەڭ پەرسپەكتيۆالى نۇكتەلەرى انىقتالدى. تۋربيزنەس وكىلدەرىن وسى تۋريستىك دەستيناسيالاردى دامىتۋعا بەلسەندى قاتىسۋعا شاقىرامىن»، - دەدى ەرمەك مارجىقپايەۆ.