2023 جىلدىڭ ءبىرىنشى جارتىجىلدىعىندا تۋريستەر اعىنىن 25،5% - عا ارتتىرۋعا كومەكتەستى
الماتىدا جىل سايىن قالانى تۋريستىك دەستيناسيا رەتىندە ىلگەرىلەتۋ بويىنشا جوسپارلى جۇمىس جۇرگىزىلۋدە. بۇل تۋرالى الماتى قالاسى تۋريزم باسقارماسى «ورتالىق ازيا ەلدەرىندە ءتۋريزمدى دامىتۋ» تاقىرىبى بويىنشا وتكەن باسپا ءسوز كونفەرەنسياسى اياسىندا حابارلادى. سونىڭ ارقاسىندا ءبىرىنشى جارتىجىلدىقتاعى تۋريستەر سانىنىڭ جالپى ديناميكاسى 25،5% - عا ءوستى.
ماسەلەن،ءساۋىر ايىندا قالادا ورتالىق ازياداعى ەڭ ءىرى KITF-2023 «تۋريزم جانە ساياحات» تۋريستىك كورمەسى ءوتتى. وعان تۋريزم سالاسىنىڭ 2 مىڭ وكىلى، الەمنىڭ 22 ەلىنەن 200 كومپانيا قاتىستى. كورمەگە 4،1 مىڭنان استام ادام كەلدى. سونداي-اق، 2023 جىلعى 29 قىركۇيەكتەن 2 قازانعا دەيىن «Mount-Fest» تاۋ ءتۋريزمى فەستيۆالى وتكىزىلدى، وعان 1800-دەن استام ادام قاتىستى. تاۋ ءتۋريزمىن دامىتۋ بويىنشا سپورتتىق ءىس-شارالار مەن فورۋم ۇيىمداستىرىلدى. 10 قازاندا 11 حالىقارالىق ساراپشىلاردىڭ قاتىسۋىمەن «تۇراقتى قوناق ۇيلەر تۋريستىك برەندتىڭ نەگىزى» تاقىرىبىندا VI قوناق ءۇي فورۋمى ءوتتى. ال 4-5 قاراشادا حالىقارالىق دەڭگەيدەگى اسپازدار مەن food-بلوگەرلەردىڭ قاتىسۋىمەن گاسترونوميالىق تۋريستىك فەستيۆال ۇيىمداستىرىلىپ، وعان 15 مىڭنان استام قاتىستى.
«ەسكە سالساق، 27 قاراشادا WHERETOEAT Kazakhstan العاشقى مەيرامحانا سىيلىعى وتەدى. سونداي-اق، الماتىنىڭ تۋريستىك كومپانيالارى حالىقارالىق بەيىندىك كورمەلەرگە، روۋد-شوۋ فورماتىنداعى ءىس-شارالارعا قاتىسادى، وندا تۋريستەردى قابىلداۋ بويىنشا الەۋەتتى جانە قازىرگى سەرىكتەستەرمەن B2B كەزدەسۋلەر وتكىزەدى. اعىمداعى جىلى جاقىن جانە الىس شەت ەلدەردىڭ قالالارىندا 8 Road-show وتكىزىلدى»، - دەپ اتاپ ءوتتى تۋريزم باسقارماسى.