الماتى وبلىسىنىڭ اكىمى مارات ەلەۋسىز ۇلى سۇلتانعازييەۆتىڭ تاپسىرماسى بويىنشا، جاقىن ارادا تۋريستەردىڭ سۇيىكتى ورنى - كولساي كولى اباتتاندىرىلاتىن بولادى.
نەگىزگى ماقسات - تۋريزم ينفراقۇرىلىمىن جاقسارتۋ، تۋريستەردىڭ تۋريستىك-رەكرەاسيالىق ينفراقۇرىلىم وبەكتىلەرىنە قول جەتكىزۋىن جەڭىلدەتۋ، تۋريستەردى بەيتانىس جەرلەردە قولايلى قوزعالىسپەن قامتاماسىز ەتۋ، دەپ حابارلايدى اlmaty-akshamy.kz.
الماتى وبلىسى تۋريزم باسقارماسىنىڭ باسشىسى ايبار تەمەنوۆ كولساي كولىندەگى تۋريستەردىڭ سۇيىكتى ورنىنا جۇرگىزىلىپ جاتقان جۇمىستار مەن وزگەرىستەر تۋرالى ءمالىم ەتتى.
"كولساي كولى - ءتۋريزمنىڭ باسقا نىساندارى سياقتى تۋريستەر اراسىندا وتە تانىمال. بۇل جەردى ءبىزدىڭ وتانداستارىمىز عانا ەمەس، سونىمەن قاتار سۇلۋلىعىمەن كوز تارتار كولدى شەتەلدىك تۋريستەر دە جاقسى كورەتىنىن اتاپ وتكىم كەلەدى. ءبىز تۋريستەرگە ىڭعايلى بولۋ ءۇشىن الماتى وبلىسىنىڭ تۋريستىك دەستيناسيالارىندا ينفراقۇرىلىمدى جاقسارتۋ سالاسىندا ۇلكەن جۇمىس جۇرگىزىپ جاتىرمىز"، دەيدى ول.
سونداي-اق، ايبار تەمەنوۆ ەرەكشە قورعالاتىن تابيعي اۋماقتاردا تۋريستىك سوقپاقتاردى جايلاستىرۋ جوباسىندا تۇرگەن (ايۋلى سارقىراماسى)، تالعار شاتقالى، "تاڭبالى" مۇراجايى قورىعى (جامبىل اۋدانى)، "تامعالى تاس" شاتقالىنداعى (قونايەۆ ق.) پەتروگليفتەر، كولساي جانە قايىڭدى كولدەرى، ساتى شاتقالى جانە "مۇزتاۋ" ىستىق بۇلاقتارى (كەگەن اۋدانى) اۋماعىندا تاۋلى جانە جاياۋ سوقپاقتاردى جايلاستىرۋ كوزدەلگەنىن اتاپ ءوتتى.
بارلىق جۇمىستار 2023 جىلدىڭ باسىندا تۋريزم سالاسىنداعى بىلىكتى مامانداردى تارتا وتىرىپ، جايلاستىرۋ ەلەمەنتتەرىنىڭ قاجەتتىلىگىن (سانىن، تۇرلەرىن) ايقىنداۋعا مىندەتتى تەكسەرۋلەردىڭ قورىتىندىسى بويىنشا جۇرگىزىلىپ جاتىر.
جالپى تاۋلى جانە جاياۋ سوقپاقتاردى جايلاستىرۋعا ارنالعان ەلەمەنتتەردىڭ (كونسترۋكسيالاردىڭ) تىزبەسى كولساي كولىندەگى جانە تاڭبالى تاس شاتقالىنداعى ىلە وزەنىنىڭ ۇلەسىندە بار پيرستەردى قايتا جاڭارتۋدى، جاياۋ جانە ات سوقپاقتارىن ءبولۋدى، تىك كوتەرىلۋلەر مەن تۇسۋلەردى باسپالداقتارمەن جابدىقتاۋدى، بەسەدكالاردى، ورىندىقتاردى، قوقىس جاشىكتەرى مەن باكتاردى، فوتوايماقتارى بار قاراۋ الاڭدارىن ورناتۋدى، جول كارتالارى، اقپارات جانە فوتوماتەريالدارى بار اقپاراتتىق قالقانداردى، ونىڭ ىشىندە ەرەكشە قاجەتتىلىكتەرى بار ادامداردى ەسكەرە وتىرىپ، كىرۋ توبىن، سوقپاقتار بويىمەن جاياۋ جۇرگىنشىلەرگە ارنالعان باعىت بەلگىلەرىن، ەسكەرتۋ تاقتالارىن ورناتۋ، سوقپاقتاردى تاڭبالاۋ، شاعىن وزەندەر ارقىلى قورشاۋلارى بار جاياۋ جۇرگىنشىلەر كوپىرلەرىن، جارتاستاردى (پەتروگليفتەردى)، پيرستەردى جارىقتاندىرۋدى جانە جاياۋ جۇرگىنشىلەر جولدارىنىڭ بويىندا شامدار مەن پروجەكتورلاردى ورناتۋ، سوقپاقتار بويىنداعى تاپتالعان ۋچاسكەلەردىڭ فلوراسىن كوگالداندىرۋ جانە قالپىنا كەلتىرۋ، كىشكەنتاي تۋريستەر ءۇشىن ويىن الاڭدارىن ۇيىمداستىرۋ، سونداي-اق، جارىقديودتى مافتاردى ورناتۋ جوسپارلانعان.
بۇگىنگى تاڭدا كولساي كولىنىڭ جاعالاۋىنداعى توزعان پيرستەردى قالپىنا كەلتىرۋ جانە جاياۋ جۇرگىنشىلەر جولىن جايلاستىرۋ جۇمىستارى اياقتالىپ قالدى.
وسىلايشا، كولساي كولى ودان دا تارتىمدى، جايلى بولادى جانە كەلۋشىلەرگە ەڭ جاقسى ورىن بولىپ قالا بەرەدى.
سونىمەن قاتار، الماتى وبلىسىنىڭ تۋريزم باسقارماسى تۋريستىك وبەكتىلەرگە اپاراتىن نەگىزگى تراسسالار مەن جولدار بويىندا، سونداي-اق وبلىستىڭ 120-دان استام دەمالىس ايماقتارى ورنالاسقان قاپشاعاي سۋ قويماسىنىڭ جاعالاۋىندا تۋريستىك باعىت-باعدار (ناۆيگاسيا) جۇيەسىن (كورسەتكىشتەر، ستەللالار) كەڭەيتۋ بويىنشا جۇمىستار جۇرگىزىپ جاتىر.
تاڭبالى تاس، تۇرگەن جانە تالعار شاتقالدارى، اسسى ءۇستىرتى، "تالحيز" قالاشىعى، كولساي، قايىڭدى جانە ەسىك كولدەرى، ساتى شاتقالى، قارا كانون تۋريستىك باعىتى بويىنشا كورسەتكىشتەر ورناتىلدى. جۇرگىزىلگەن جۇمىستاردىڭ قورىتىندىسى بويىنشا 42 بىرلىك كورسەتكىشتەر مەن ستەلالار ورناتىلدى.
جەڭىل ينفراقۇرىلىمدى دامىتۋ قازاقستان رەسپۋبليكاسىنىڭ تۋريستىك سالاسىن دامىتۋدىڭ 2023 - 2029 جىلدارعا ارنالعان تۇجىرىمداماسىن ىسكە اسىرۋ شەڭبەرىندە جۇرگىزىلىپ جاتىر.
قابىلدانىپ جاتقان شارالار تارتىمدى تۋريستىك ورتالىق رەتىندە دەستيناسيانىڭ وڭ ءيميدجىن قالىپتاستىرۋعا مۇمكىندىك بەرەدى. الماتى وبلىسىنىڭ اۋماعىندا تۋريستەردىڭ جايلى جانە ءقاۋىپسىز بولۋى جانە وڭ كەرى بايلانىس ارقىلى تۋريستەر سانىنىڭ ارتۋى.