2022 جىلى قازاقستانعا 610 مىڭنان اسا شەتەلدىك تۋريست كەلگەن. ىشكى تۋريزم كورسەتكىشتەرى دە بىرنەشە ەسە وسكەن. مادەنيەت جانە سپورت مينيسترلىگى ساياحاتشىلار قازاقستاننىڭ قانداي كورىكتى جەرلەرىندە دەمالادى، قايدا باردى - ۇزدىك بەس ورىندى اتادى، دەپ حابارلايدى اlmaty-akshamy.kz Tengritravel.kz-كە سىلتەمە جاساپ.
بەسىنشى ورىن. شارىن شاتقالى
ءتورتىنشى ورىن. باياناۋىل
باياناۋىلعا بارۋ بۇگىنگە ەل ىشىندە سانگە اينالىپ كەلەدى. بىلتىر ۇلتتىق ساياباق اۋماعىندا 85 مىڭ تۋريست دەمالعان.
ءۇشىنشى ورىن. كولساي كولدەرى
كولساي كولدەرى دە ساياحاتشىلار اراسىندا ۇلكەن سۇرانىسقا يە. مۇندا كەلگەن تۋريستەردىڭ سانى 190 مىڭنان اسادى.
ەكىنشى ورىن. بۋراباي
وتاندىق ءتۋريزمنىڭ بويتۇمارىنا اينالعان بۋراباي ۇلتتىق ساياباعى كەلۋشىلەر سانى بويىنشا دا كوش باسىندا. كوكشەنىڭ كوز تويماس كورىكتى جەرلەرىندە 550 مىڭنان استام ادام ساياحاتتاعان.
ءبىرىنشى ورىن. ىلە الاتاۋى
مادەنيەت جانە سپورت مينيسترلىگى تۋريزم كوميتەتىنىڭ اقپاراتى بويىنشا 2022 جىلى تۋريستەر اراسىندا ەڭ تانىمال ورىن اتاعىن - ىلە الاتاۋى ۇلتتىق تابيعي ساياباعى جەڭىپ العان. وتكەن جىلى ىلە الاتاۋىنىڭ تابيعاتىن 628 مىڭ تۋريست تاماشالاعان.