تۇرىكتىڭ درونىن سىناقتان وتكىزدى

اۋە قورعانىسى كۇشتەرىنىڭ اۆياسيالىق پاركىنە جاڭا دروندار الىندى.

تارازداعى اسكەري بولىمدە وتكەن جاتتىعۋلار كەزىندە Anka-S ۇشقىشسىز ۇشۋ اپپاراتى سىنالدى. تۇركيالىق ماماندار اسكەريلەرگە جاڭا تەحنيكانىڭ مۇمكىندىكتەرىن تانىستىرىپ، باسقارۋدى ۇيرەتۋگە كىرىستى، دەپ حابارلايدى اlmaty-akshamy.kz 24.kz-كە سىلتەمە جاساپ.

Anka-S اۋقىمدى درونى تارازداعى اسكەري بولىمدە سىناقتان ءوتىپ جاتىر. قورعانىس سالاسىنىڭ ماماندارى اۋە اپپاراتىن قولدانۋ قولدان كەلەتىن ءىس ەكەنىن دالەلدەدى. سىنقاتار ءساتتى ءوتتى. ءسويتىپ، اۋە قورعانىسى كۇشتەرىنىڭ اۆياسيالىق پاركى سۋ جاڭا دروندارمەن تولىقتى.

شوحان مۇسابەكوۆ، ۇۇا جاۋىنگەرلىك دايىندىق جانە جاۋىنگەرلىك قولدانۋ وقۋ ورتالىعىنىڭ باستىعى: - ءبىزدىڭ اسكەري بولىمىمىزگە اۆياسيالىق تەحنيكا كەلىپ ءتۇستى. ول اۆياسيالىق تەحنيكا جەكە قۇرامنىڭ اتىنا بەكىتىلدى. جەكە قۇرامنىڭ كاسىپتىگى بىلىمدىگى، حالىق الدىندا قويعان تاپسىرماسىن تولىقتاي ورىندايتىنىنا سەنىمدىمىن.

ۇشۋ قۇرىلعىسىنىڭ ۇزىندىعى قاناتىمەن قوسقاندا 18 مەتر. جۇكتەمەگە بايلانىستى ۇشۋ جىلدامدىعى ساعاتىنا 270 شاقىرىمعا دەيىن جەتەدى. 10 شاقىرىم بيىكتىككە كوتەرىلىپ، اۋەدە 27 ساعاتقا دەيىن ۇزدىكسىز جۇمىس ىستەي الادى.

ماديار ماجىكەيەۆ، 14157 اسكەري ءبولىمى اۆياسيالىق ەسكادريلياسىنىڭ بورت كومانديرى: - بىزدە ەندى «Win long» ۇشقىشسىز ۇشۋ اپپاراتىندا تاجىريبەمىز بولعاندىقتان جانە دە تۇركيا ەلىنەن كەلگەن نۇسقاۋشىلارىندا وتە مول تاجىريبە بولعاندىقتان وقۋ جاتتىعۋ بىزگە وڭاي ءجۇرىپ جاتىر. كەلەشەكتە Anka-S ۇشۋ اپپاراتىن مەڭگەرىپ، ءوزىمىزدىڭ جۇمىسىمىزدىڭ جاقسى مامانى بولاتىنىمىزعا سەنەمىن.

جەرگىلىكتى اسكەريلەردى جاۋىنگەرلىك دايارلىققا تۇرىك اەروعارىش ونەركاسىبىنىڭ ماماندارى ۇيرەتىپ جاتىر. ال ءوندىرۋشى كومپانيا 2 جىل بويى سەرۆيستىك قىزمەت كورسەتەدى.