جاننات شاراپحان قىزى، الماتى قالاسى، جەتىسۋ اۋداندىق اۋماقتىق سايلاۋ كوميسسياسىنىڭ ءتورايىمى:
بيىلعى سايلاۋ بارىسىندا جەتىسۋ اۋدانى اۋماعىندا 105 مىڭنان استام داۋىس بەرۋشىگە ارنالعان 47 سايلاۋ ۋچاسكەسى بار. ءدال ءقازىر وسى سايلاۋ ۋچاسكەلەرىندە 275 بايقاۋشى وتىر. ولاردىڭ اراسىندا تەك ءوز ەلىمىزدەن عانا ەمەس، حالىقارالىق بايقاۋشىلار مەن وبسە وكىلدەرى دە بار. ولار سايلاۋدىڭ ءادىل ءوتىپ، كەلەڭسىز وقيعالاردىڭ ورىن الماۋىن باسا قاداعالاپ وتىر. ازىرگە قانداي دا ءبىر قۇقىق بۇزۋشىلىق ورىن العان جوق.
داۋىس بەرۋشىلەردىڭ كوڭىل-كۇيلەرى كوتەرىڭكى. تاڭنىڭ اتىسىمەن كەلۋشىلەردىڭ سانى كوبەيىپ، تۇرعىنداردىڭ بەلسەندىلىگى ارتقانى بايقالادى. سايلاۋ ۋچاسكەلەرىنە كەلىپ، ءوز تاڭداۋلارىن جاساپ جاتقان داۋىس بەرۋشىلەردىڭ قاتارىندا اۋداننىڭ قارت تۇرعىندارىمەن قاتار، العاش رەت داۋىس بەرىپ جاتقان جاستارىمىز دا بار. العاش داۋىس بەرگەن جاستارعا ەستەلىك سىيلىقتار تابىس ەتىلدى. ەرتە كەلگەندەرى دە قۇر قول قايتىپ جاتقان جوق. مۇنىڭ ءوزى تۇرعىندارعا مەرەكەلىك اتموسفەرا سىيلاپ جاتىر.