جاننات شاراپحان قىزى، الماتى قالاسى، جەتىسۋ اۋداندىق اۋماقتىق سايلاۋ كوميسسياسىنىڭ ءتورايىمى:
- جەتىسۋ اۋدانى اۋماعىندا 103 مىڭنان استام داۋىس بەرۋشىگە ارنالعان 47 سايلاۋ ۋچاسكەسى بار. سايلاۋ ۋچاسكەلەرىندە 275 بايقاۋشى وتىر. ولاردىڭ اراسىندا حالىقارالىق بايقاۋشىلار مەن وبسە وكىلدەرى دە بار. ولار سايلاۋدىڭ ءادىل ءوتىپ، كەلەڭسىز وقيعالاردىڭ ورىن الماۋىن باسا قاداعالاپ وتىر. ازىرگە قانداي دا ءبىر قۇقىقبۇزۋشىلىق ورىن العان جوق. داۋىس بەرۋشىلەردىڭ كوڭىل-كۇيلەرى كوتەرىڭكى. ءدال قازىرگى ۋاقىتتا كەلۋشىلەردىڭ سانى ارتىپ، تۇرعىنداردىڭ بەلسەندىلىگى بايقالادى. سايلاۋ ۋچاسكەلەرىنە كەلىپ جاتقان داۋىس بەرۋشىلەر ىشىندە اۋداننىڭ قارت تۇرعىندارىمەن قاتار، العاش رەت داۋىس بەرىپ جاتقان جاستار دا بار. بارلىعىنا ەستەلىك سىيلىقتار تابىس ەتىلدى. مۇنىڭ ءوزى مەرەكەلىك اتموسفەرانى قالىپتاستىرۋدا.