ماۋسىم ايىمەن سالىستىرعاندا كورسەتكىش 2% كەمىدى
تۇرعىن ءۇي ساتۋ-ساتىپ الۋ نارىعىندا شىلدەدەگى كورسەتكىش بويىنشا جاسالعان مامىلە سانى – 30 393، بۇل وتكەن جىلدىڭ ءتيىستى ايىمەن سالىستىرعاندا 34،3% كەم. ۇلتتىق ستاتيستيكالىق بيۋرو مالىمەتى بويىنشا، كەمۋ كورسەتكىشى بارلىق وڭىردە تىركەلگەن، دەپ حابارلايدى Almaty-akshamy.kz.
ماۋسىم ايىمەن سالىستىرعاندا كورسەتكىش 2% كەمىدى. وڭىرلەر بويىنشا مامىلەلەر كوپ جاسالعان قالالار – الماتى مەن نۇر-سۇلتان، تيىسىنشە 4 915 جانە 4 391 شارت. مامىلە سانى ەڭ از بولعان ءوڭىر – سولتۇستىك قازاقستان وبلىسى (619).
مامىلەلەر سانىنىڭ تومەندەۋى ءبىرقاتار وڭىردە بايقالدى، ەڭ كوپ تومەندەۋ پاۆلودار (-19،2%)، الماتى (-17،0%)، جانە اتىراۋ (-7،4%) وبلىستارىندا. ءوسىم تەك 4 وڭىردە تىركەلدى: نۇر-سۇلتان قالاسى (14%)، الماتى قالاسى (11،5%)، باتىس قازاقستان (7،5%) جانە اقتوبە وبلىستارى (4،4%).
مامىلەلەردىڭ 72% كوپ پاتەرلى ۇيلەردەگى پاتەرلەر بويىنشا جاسالدى، ساتىلىمداعى جەكە ۇيلەردىڭ ۇلەسى – 28%.
2 بولمەلى پاتەرلەر سول قالپى سۇرانىسقا يە، شىلدەدە ولاردىڭ 8،4 مىڭى تىركەلگەن. بۇل رەتتە كەلىسىمشارتتار كوبىنە الماتى قالاسىندا (1570)، نۇر-سۇلتاندا (1486) جانە قاراعاندى وبلىسىندا (1304) جاسالعان.جەكە ۇيلەر بويىنشا ءوسىم تەك نۇر-سۇلتاندا (+9،2%)، اقتوبە (+11،3%) جانە باتىس قازاقستان وبلىستارىندا (+13،8%) بايقالدى.