الماتى قالاسى تۇركسىب اۋدانىنىڭ Aspan پاركىندە اعاشتار وتىرعىزۋ بويىنشا سيمۆوليكالىق ءمانى بار ءىس-شارا اياسىندا V TURAQTY JOL ۇلتتىق الەۋمەتتىك ەكوناۋقانى ىسكە قوسىلدى.
الماتى قالاسىنىڭ كوپتەگەن تۇرعىندارىن جۇمىلدىراتىن ءىس-شارانىڭ ماقساتى – تۇراقتى دامۋدى ىلگەرىلەتۋگە جاردەمدەسۋ جانە جاس ۇرپاق اراسىندا ەكولوگيالىق سانانى ارتتىرۋ ارقىلى تۋعان ولكەنى تازا ۇستاۋ جانە قورشاعان ورتاعا پايدا اكەلۋ.
Turaqty jol – مادەني-ادامگەرشىلىك جانە ەكولوگيالىق قۇندىلىقتاردى بويىنا ءسىڭىرۋ ارقىلى وسكەلەڭ ۇرپاقتى تۋعان جەرگە ۇقىپتى قاراۋعا باعىتتايتىن باستاما.
الماتى قالاسى تۇركسىب اۋدانىنىڭ اكىمدىگىمەن بىرلەسىپ ۇيىمداستىرىلعان ءىس-شارا اياسىندا 100-گە جۋىق اعاش كوشەتتەرى وتىرعىزىلدى.
اتالمىش ەكوناۋقان اياسىندا رەسپۋبليكالىق ەكولوگيالىق يدەيالار مەن جوبالاردىڭ فەستيۆالى باستالعانىن ايتا كەتۋ كەرەك. وعان 16 مەن 35 جاس ارالىعىنداعى جاس ەكولوگيالىق بەلسەندىلەر شاقىرىلدى.
«تuraqty jol جوباسى ەكولوگيالىق تازا ورتانى قۇرۋعا جانە ونى بولاشاق ۇرپاق ءۇشىن ساقتاۋعا باعىتتالعان بىرەگەي باستاما بولىپ سانالادى. وسى ەكوناۋقان ارقىلى وسكەلەڭ ۇرپاقتىڭ جادىنا ەكوسانانى سىڭىرگىمىز كەلەدى»، – دەيدى ۇيىمداستىرۋشى ايسانا ميرام.