اتا زاڭنىڭ بۇكىل بولىمىنە وزگەرىس ەنگىزىلەدى.
كونستيتۋسيالىق كەڭەستىڭ اپپارات جەتەكشىسى باقىت نۇرمۇحانوۆ تۇڭعىش پرەزيدەنتتىڭ اتا زاڭداعى مارتەبەسى تۋرالى ايتىپ بەردى، دەپ حابارلايدى Almaty-akshamt.kz قازاقپاراتقا سىلتەمە جاساپ.
«كونستيتۋسيادا 46-باپ بولمايدى. ال 91-باپتا تۇڭعىش پرەزيدەنتتىڭ مارتەبەسىنە قاتىستى «تاۋەلسىز قازاقستاننىڭ نەگىزىن قالاۋشى» دەگەن ءسوز عانا قالادى. باسقا ەشقانداي ءسوز جوق»، - دەدى ول ورتالىق كوممۋنيكاسيالار قىزمەتىندەگى باسپا ءسوز ءماسليحاتى بارىسىندا ب ا ق وكىلدەرىنىڭ ساۋالىنا وراي.
سونىمەن قاتار ول قازىرگى كونستيتۋسيادا "تۇڭعىش پرەزيدەنت كونستيتۋسيالىق كەڭەستىڭ مۇشەسى بولا الادى" دەگەن باپ بار ەكەندىگىن اتاپ ءوتتى.
«ءبىراق، كونستيتۋسيالىق سوت ساياسي ورگان سانالادى. ەندى كونستيتۋسيالىق سوت بولعان كەزدە ول جەردە ناعىز ماماندار، زاڭگەرلەر وتىرۋى كەرەك. سول ءۇشىن بۇرىنعى پرەزيدەنتتەر مۇشە، سۋديا، سوت بولا المايدى. ياعني، وكىلەتتىگى جوق»، - دەدى باقىت نۇرمۇحانوۆ.
ونىڭ تۇسىندىرۋىنشە، قازىرگى ۋاقىتتا اتا زاڭنىڭ 33-بابىنا 56 تۇزەتۋ ەنگىزۋ كوزدەلگەن.
«ەكى ءبولىمنىڭ اتاۋى وزگەرەدى. سونىمەن العاندا، اتا زاڭنىڭ بۇكىل بولىمىنە وزگەرىس ەنگىزىلەدى. كونستيتۋسيالىق كەڭەسكە ارنالعان ءبولىم كونستيتۋسيالىق سوت بولىپ، سوت جانە سوت تورەلىگى دەگەن 7ء-بولىمنىڭ اتاۋىنا پروكۋراتۋرا جانە ادام قۇقىقتارى جونىندەگى ۋاكىل دەگەن سوزدەر قوسىلادى. ويتكەنى، بۇل بولىمدە اتالعان ينستيتۋتتارعا ارنالعان باپتار بار»، - دەدى ول.
ەسكە سالا كەتەيىك، بۇعان دەيىن كونستيتۋسيالىق كەڭەس پرەزيدەنت قاسىم-جومارت توقايەۆتىڭ ءوتىنىشىن ءىس جۇرگىزۋگە قابىلداعان بولاتىن.