تۇلەكتەر قاي ماماندىقتى تاڭداعانى دۇرىس

بيىل 360 مىڭنان استام قازاقستاندىق وقۋشى التىن ۇيا مەكتەبىمەن قوش ايتىسقالى وتىر

وقۋ جىلىنىڭ اياقتالۋىنا دا ساناۋلى اپتا قالدى. بيىل 360 مىڭنان استام قازاقستاندىق وقۋشى التىن ۇيا مەكتەبىمەن قوش ايتىسقالى وتىر. تالاپكەرلەر الداعى تەستىلەۋدە قانداي ماماندىقتاردى تاڭداعان؟ مەملەكەتتىك گرانت يەگەرى اتانۋ ءۇشىن ولاردىڭ قانداي سالاعا بارعانى دۇرىس؟ باسىمدىق قاي باعىتقا بەرىلگەن؟ وسى سۇراقتارعا "الماتى" تەلەارناسىنىڭ ستۋديا قوناعى عىلىم جانە جوعارى ءبىلىم مينيسترلىگى كوميتەتى ءتوراعاسىنىڭ ورىنباسارى نۇربەك ساپارقوجايەۆ جاۋاپ بەرەدى، دەپ حابارلايدى Almaty-akshamy.kz.

ونىڭ ايتۋىنشا، سوڭعى 2-3 جىلدا پەداگوگيكالىق ماماندىقتارعا سۇرانىس وتە جوعارى. مەملەكەتتىڭ مۇعالىمدەرگە دەگەن كوزقاراسىن وڭدى  تاراپقا وزگەردى. 

«سوڭعى جىلدارى مۇعالىمدەردىڭ جالاقىسى ءوستى. وسى ماماندىقتا وقيتىن ستۋدەنتتەردىڭ شاكىرتاقىسى كوبەيدى. سوعان بايلانىستى ءقازىر تالاپكەرلەر ءمۇعالىم ماماندىعىن تاڭدايدى. ودان بولەك، تەحنيكالىق ماماندىقتار مەن ينجەنەرلەرگە سۇرانىس جوعارى. اقپاراتتىق-تەحنولوگيالىق ماماندىقتارعا كوپ كوڭىل بولە باستادى. جىل سايىن ۇبت-نىڭ باللى جوعارىلاعانىن ايتۋعا بولادى»، - دەدى ساپارقوجايەۆ.

سونداي-اق ول مەكتەپ تۇلەكتەرى تەگىن وقۋ مۇمكىندىگىنە يە بولۋ ءۇشىن قاي سالانى تاڭداعانى دۇرىس؟ مەملەكەتتىك گرانت قاي باعىتقا كوبىرەك بولىنەدى دەگەن ساۋالعا دا جاۋاپ بەردى.

«قازىرگى تاڭدا مەكتەپ مۇعالىمدەرى تاپشى بولعاندىقتار، پەداگوگيكالىق ماماندىقتار بويىنشا گرانت سانىن كوبەيتىپ كەلەمىز. بۇل كونكۋرستىڭ تالابىنىڭ جوعارى بولعانىنا بايلانىستى. نارىقتا بۇرىن زاڭگەر مەن ەكونوميس كەرەك بولسا، ءقازىر تەحنيكالىق ينجەنەرلىك ماماندىق قاجەت»، - دەدى ول.