وقۋشىلار بەس ەمتيحان تاپسىرادى، ونىڭ ءبىرى اۋىزشا تۇردە وتكىزىلەدى.
2024–2025 وقۋ جىلىنىڭ باستالۋى مەن اياقتالۋ مەرزىمى، سونداي-اق قورىتىندى اتتەستاسيانى وتكىزۋ ءتارتىبى بەكىتىلدى، دەپ حابارلايدى aqshamnews.kz وقۋ-اعارتۋ مينيسترلىگىنە سىلتەمە جاساپ.
9-سىنىپ وقۋشىلارى ءۇشىن قورىتىندى ەمتيحاندار 29 مامىر مەن 10 ماۋسىم ارالىعىندا وتەدى. ولار مىندەتتى پاندەر بويىنشا ءتورت جازباشا ەمتيحان تاپسىرادى.
11-سىنىپ تۇلەكتەرىنە ارنالعان مەملەكەتتىك ەمتيحاندار 30 مامىر مەن 16 ماۋسىم ارالىعىندا وتەدى. وقۋشىلار بەس ەمتيحان تاپسىرادى، ونىڭ ءبىرى اۋىزشا تۇردە وتكىزىلەدى.
نەگىزگى جانە جالپى ورتا ءبىلىم تۋرالى اتتەستاتتاردى تاپسىرۋ سالتاناتى ءبىلىم بەرۋ ۇيىمدارىندا 18-20 ماۋسىم ارالىعىندا وتەدى.