ديماش لارا فابيانمەن بىرگە ونەر كورسەتەدى

كونسەرت لوندونداعى OVO Arena Wembley ساحناسىندا وتەدى.

ديماش قۇدايبەرگەن بەلگيالىق ءانشى لارا فابياننىڭ Voices تۋرى اياسىنداعى كونسەرتىندە ونەر كورسەتەدى، دەپ حابارلايدى aqshamnews.kz

بۇل تۋرالى اقپارات OVO Arena Wembleyء-دىڭ Instagram پاراقشاسىندا جاريالانعان.

"ەكى فەنومالدى ءارتىس"، - دەپ جازىلعان پاراقشا حابارلاماسىندا.

ايتا كەتەيىك، جۋىردا ديماش قۇدايبەرگەن جەلىدەگى پاراقشاسىندا جاڭا بەينەبايانى تۋرالى حابارمەن تىڭدارمانىن قۋانتتى.

"دوستار! 15 مامىردا ساعات 20:00-دە (استانا ۋاقىتى) YouTube جەلىسىندە "تاۋ ىشىندە" بەينەبايانى جارىق كورەدى! پرەمەرا قۇرمەتىنە – چەللەندج: بەينەبايانمەن بايلانىستى ەڭ كوپ قارالعان جانە قىزىقتى ۆيدەوعا قوماقتى سىيلىق بەرىلەدى!" - دەدى ءانشى.

چەللەندجگە قاتىسۋ ءۇشىن 30 سەكۋندتىق ۆيدەونى TikTok نەمەسە Instagram جەلىسىندە "tauishindechallenge" حەشتەگىمەن 8-25 مامىر ارالىعىندا جاريالاۋ كەرەك، دەپ ءتۇسىندىردى ءانشى.

ونەرپاز چەللەندجدىڭ قورىتىندىسىن 26 مامىردا الماتىدا وتەتىن فان-كەزدەسۋدە شىعاراتىنىن اتاپ ءوتتى.

"جۇلدە - جەڭىمپازعا ءوز قالاۋىنشا مەنىڭ جەكە كونسەرتىمە جولداما سىيعا تارتىلادى (بارسەلونا، بەرلين، لوندون، ريگا). ۇشاق بيلەتى مەن قوناق ءۇي قۇنى ۇتىس ىشىنە كىرەدى"، - دەپ جازدى ديماش.