مونەتالاردىڭ ساتۋعا شىعارىلاتىن كۇنى تۋرالى اقپارات قازاقستان ۇلتتىق بانكى قوسىمشا حابارلايتىن بولادى.
قازاقستان ۇلتتىق بانكى «قازاقستاننىڭ فلوراسى مەن فاۋناسى» سەرياسىنان AQ TUŃǴIYQ، «قازاقستاننىڭ ادەت-عۇرىپتارى، ۇلتتىق ويىندارى» سەرياسىنان ERÝLIK جانە «جاراتىلىس سىرلارى» سەرياسىنان ÙNDILIK TANYM كوللەكسيالىق مونەتالارىن اينالىسقا شىعارادى، دەپ حابارلايدى aqshamnews.kz
AQ TUŃǴIYQ كوللەكسيالىق مونەتالارى تۋرالى
AQ TUŃǴIYQ (اق تۇڭعيىق) – قىزىل كىتاپقا ەنگىزىلگەن، قازاقستاندا سيرەك كەزدەسەتىن گۇل. العاش رەت مونەتا ءمولدىر ەمالمەن تولتىرىلىپ، قۇمدى ءتۇبى مەن تاستارى بار سۋ بەتى اسەرىن بەرەتىن جاڭا تەحنولوگيا قولدانىلادى.
مونەتالار:
- 3د تەحنولوگياسىن قولدانا وتىرىپ، 925 سىنامدى كۇمىستەن دايىندالعان. ماسساسى – 100 گرامم، ديامەترى – 50 مم، دايىنداۋ ساپاسى – proof، نومينالى – 1000 تەڭگە، دايىنداۋ تارالىمى – 500 (بەس ءجۇز) دانا؛
كۇمىستەن دايىندالعان مونەتانىڭ بەينەسى
- مەلحيور (من 25) قوسپاسىنان دايىندالعان، ماسساسى – 15 گرامم، ديامەترى – 33 مم، دايىنداۋ ساپاسى – رrووf-like، نومينالى – 500 تەڭگە، تارالىمى – 5 000 (بەس مىڭ) دانا.
مەلحيوردان دايىندالعان مونەتانىڭ بەينەسى
ERÝLIK كوللەكسيالىق مونەتالارى تۋرالى
ەرۋلىك – بۇل بەرەكە-بىرلىك پەن ءوزارا كومەك، قوناقجايلىلىق رۋحىن بىلدىرەتىن قازاق ءداستۇرى.
مونەتالار:
- «ينتەرفەرەنسيالىق قۇبىلمالى قابات» تەحنولوگياسىن قولدانا وتىرىپ، 925 سىنامدى كۇمىستەن دايىندالعان. ماسساسى – 24 گرامم، ديامەترى – 37 مم، دايىنداۋ ساپاسى – رrووf، نومينالى – 1 000 تەڭگە، دايىنداۋ تارالىمى – 1 000 (ءبىر مىڭ) دانا؛
كۇمىستەن دايىندالعان مونەتانىڭ بەينەسى
- مەلحيور (من 25) قوسپاسىنان دايىندالعان، ماسساسى – 15 گرامم، ديامەترى – 33 مم، دايىنداۋ ساپاسى – brilliant uncirculated، نومينالى – 200 تەڭگە، تارالىمى – 10 000 (ون مىڭ) دانا؛
مەلحيوردان دايىندالعان مونەتانىڭ بەينەسى
- نەيزيلبەر (منس 15-20) قوسپاسىنان دايىندالعان، ماسساسى – 11،17 گرامم، ديامەترى – 31 مم، دايىنداۋ ساپاسى – uncirculated، نومينالى 200 – تەڭگە، تارالىمى – 100 000 (ءبىر ءجۇز مىڭ) دانا.
نەيزيلبەردەن دايىندالعان مونەتانىڭ بەينەسى
ÙNDILIK TANYM كوللەكسيالىق مونەتالارى تۋرالى
ÙNDILIK TANYM – ەجەلگى وركەنيەتتەردىڭ الەم جاراتىلىسى تۋرالى ميفولوگيالىق تەوريالارىنا ارنالعان «جاراتىلىس سىرلارى» سەرياسىنىڭ ەكىنشى مونەتاسى. پىلدەردىڭ ۇستىندە تۇرعان تاسباقاداعى الەمنىڭ بەينەسى ەجەلگى ءۇندى كوسمولوگياسىنداعى عالامنىڭ قۇرىلىمىن بەينەلەيدى جانە كوبىنەسە ەپيكالىق جانە ميفولوگيالىق ماتىندەردە سيپاتتاۋدا قولدانىلادى. تاسباقا – ۆيشنۋ قۇدايىنىڭ بەينەسى عالامنىڭ نەگىزى مەن ورنىقتىلىقتى بىلدىرەدى.
مونەتالار تانتال قوندىرماسىمەن 925 سىنامالى كۇمىستەن كۇردەلى تەحنولوگيا بويىنشا دايىندالعان. مونەتانىڭ جالپى ماسساسى – 162،2 گرامم، ديامەترى – 50 مم، دايىنداۋ ساپاسى – proof، نومينالى – 2 000 تەڭگە، دايىنداۋ تارالىمى – 500 (بەس ءجۇز) دانا.
مونەتانىڭ بەينەسى
كوللەكسيالىق مونەتالار قازاقستان رەسپۋبليكاسىنىڭ بۇكىل اۋماعىندا وزدەرىنىڭ بەلگىلەنگەن قۇنىنا ساي تولەمدەردىڭ بارلىق ءتۇرى بويىنشا قابىلداۋعا، سونداي-اق ەلدىڭ بارلىق بانكىندە بانك شوتتارىنا ەسەپكە الۋعا، اۋدارۋعا، ۇساقتاۋعا جانە ايىرباستاۋعا جاتادى.
كوللەكسيالىق مونەتالار قازاقستان تەڭگە سارايىندا دايىندالعان