بەيبىتشىلىك جونىندەگى نوبەل سىيلىعى ۆەنەسۋەلا وپپوزيسياسىنىڭ ليدەرى ماريا كورينا ماچادوعا بەرىلدى
2025 جىلعى بەيبىتشىلىك جونىندەگى نوبەل سىيلىعى ۆەنەسۋەلادا وپپوزيسيا ليدەرى بولىپ تانىلعان ماريا كورينا ماچادوعا تابىستالدى، - دەپ حابارلايدى Aqshamnews.kz.
نوبەل كوميتەتىنىڭ مالىمدەۋىنشە، ماراپات «ۆەنەسۋەلا حالقىنىڭ دەموكراتيالىق قۇقىقتارىن ىلگەرىلەتۋ جولىنداعى تىنىمسىز ەڭبەگى مەن ەلدى ديكتاتۋرادان دەموكراتياعا بەيبىت ءارى ادىلەتتى تۇردە كوشىرۋگە باعىتتالعان كۇرەسى ءۇشىن» بەرىلگەن.
ايتا كەتەيىك، اقش-تىڭ بۇرىنعى پرەزيدەنتى دونالد ترامپ بۇعان دەيىن بىرنەشە رەت ءوزىن بەيبىتشىلىك سىيلىعىنا لايىق دەپ مالىمدەگەن. ونىڭ ايتۋىنشا، اق ۇيگە ەكىنشى مارتە كەلگەننەن كەيىن ءبىرقاتار سوعىستى توقتاتقان. بۇل تۋرالى BBC حابارلاعان.
الايدا نوبەل كوميتەتىنىڭ وكىلى ترامپتىڭ نەگە ماراپاتتالماعانى تۋرالى سۇراققا جاۋاپ بەرە كەلە، ۇيىم «شەشىمدەرىن تەك الفرەد نوبەلدىڭ وسيەتىنە سايكەس قابىلدايدى، ال جاريا كامپانيالار نەگىزىندە ەمەس» ەكەنىن اتاپ ءوتتى.
سوڭعى ۋاقىتتا ترامپتىڭ ەلەۋلى جەتىستىكتەرىنىڭ ءبىرى رەتىندە يزرايل مەن پالەستينالىق حاماس قوزعالىسى اراسىنداعى اتىستى توقتاتۋ جانە يزرايلدىك تۇتقىنداردى قايتارۋ جونىندەگى كەلىسىم اتالىپ وتىر. بۇل قۇجاتقا سارسەنبى كۇنى قول قويىلعان ەدى.