الەۋمەتتىك جەلىلەردە سوڭعى ۋاقىتتا 369 قازاقستاندىقتىڭ دونالد ترامپتىڭ جاڭا ميگراسيالىق ساياساتىنا بايلانىستى اقش-تان شىعارىلاتىنى تۋرالى اقپارات تاراپ، كوپشىلىكتىڭ اراسىندا دۇربەلەڭ تۋعىزدى، دەپ حابارلايدى aqshamnews.kz.
الايدا، قازاقستان رەسپۋبليكاسىنىڭ سىرتقى ىستەر مينيسترلىگى بۇل اقپاراتتى تەرىسكە شىعارىپ، حالىقتى سابىرعا شاقىردى.
ءسىم وكىلدەرىنىڭ مالىمدەۋىنشە، اقش-تاعى زاڭسىز جۇرگەن قازاقستاندىقتار تۋرالى اقپارات ءبىر اي بۇرىن پايدا بولعان. ياعني ترامپ پرەزيدەنتتىك قىزمەتكە كىرىسپەي تۇرىپ. مينيسترلىك بۇل جاڭالىقتىڭ Fox News ارناسىندا جاريالانعان ICE (يمميگراسيالىق جانە كەدەن قىزمەتى) ەسەبىنە بايلانىستى ەكەندىگىن جانە ونىڭ اقش-تىڭ جاڭا ميگراسيالىق ساياساتىنا ەشقانداي قاتىسى جوقتىعىن اتاپ ءوتتى.
سونىمەن، 369 قازاقستاندىقتىڭ ەلدەن شىعارىلاتىنى راس، ءبىراق بۇل ترامپتىڭ جاڭا ميگراسيالىق ساياساتىنا بايلانىستى ەمەس.
جالپى، اقش-تا 1،5 ميلليونعا جۋىق ادام دەپورتاسياعا ۇشىراۋى مۇمكىن. ولاردىڭ كوبىسى گۆاتەمالا، گوندۋراس، مەكسيكا جانە سالۆادوردان كەلگەن ميگرانتتار. ءاربىر ەل ءوز ازاماتتارىن 200-250 مىڭ اداممەن قايتارۋى ءتيىس.