وسى باستاما كەلەسى جىلدان باستاپ ەنگىزىلەدى دەگەن جوسپار بار.
ەڭبەك جانە الەۋمەتتىك قورعاۋ كوميتەتىنىڭ ءتوراعاسى تولەگەن وسپانقۇلوۆ ءتورت كۇندىك جۇمىس اپتاسىن ەنگىزۋ ءتارتىبىن ءتۇسىندىردى، دەپ حابارلايدى Almaty-akshamy.kz
بۇعان دەيىن ەڭبەك جانە حالىقتى الەۋمەتتىك قورعاۋ مينيسترلىگى ءتورت كۇندىك جۇمىس اپتاسىن ەنگىزۋ مۇمكىندىك بەرەتىن قۇجاتتى ازىرلەگەن بولاتىن.
ەڭبەك جانە الەۋمەتتىك قورعاۋ كوميتەتىنىڭ ءتوراعاسى تولەگەن وسپانقۇلوۆتىڭ ايتۋىنشا، ءتورت كۇندىك جۇمىس اپتاسى ءوزارا كەلىسىممەن ەنگىزىلەدى. سەبەبى بۇگىندە جۇمىس بەرۋشى مەن جۇمىسشىنىڭ اراسىنداعى قارىم-قاتىناس ەڭبەك شارتىمەن راسىمدەلەدى.
«مىسالى، ءبىرىنشى اپتادا 4 كۇن بولادى، ەكىنشى اپتادا - 5، ءۇشىنشى اپتادا 6 جۇمىس كۇنى، ال ءتورتىنشى اپتادا قايتادان 4 كۇن ىستەۋگە بولادى. باستى تالاپ - جالپى جۇمىس ۋاقىتى ەسەپتىك كەزەڭنەن اسپاۋ ءتيىس. بۇل - ەڭبەك كودەكسىنىڭ تالابى»، - دەدى وسپانقۇلوۆ ورتالىق كوممۋنيكاسيالار قىزمەتىندە وتكەن بريفينگتە.
ونىڭ ايتۋىنشا، جۇمىس بەرۋشى مەن جۇمىسشى باسقا ماسەلەلەردى دە تالقىلاپ، ەڭبەك شارتىنا ەنگىزە الادى.