تورەعالي قاماۋدان شىقتى

بۇل تۋرالى الماتى قالالىق سوتىنىڭ باسپا ءسوز قىزمەتى حابارلادى.

ءانشى 7 جىلعا كولىك جۇرگىزۋ قۇقىعىنان ايىرىلدى، دەپ حابارلايدى Almaty-akshamy.kz

بۇل حاباردى ءانشىنىڭ ادۆوكاتى ەلنۇر كىشكەنەبايەۆا دا الەۋمەتتىك جەلىگە جازدى.

«تورەعالي ۇلدارىڭىز بوستاندىققا شىقتى. بارشا قولداپ، قورعاعان وقىرماندارعا مىڭ العىس! ءبارى جاقسى، ۋايىمداعاندارىڭىز ءۇشىن راقمەت ايتامىن!»، - دەپ جازدى ول.

14 ماۋسىم  كۇنى  ءانشى الماتىدا پوليسەيلەرگە بوي بەرمەي، وقيعا ورنىنان قاشىپ كەتكىسى كەلگەن ەدى. سودان كەيىن پاترۋلدىك پوليسيا قىزمەتكەرلەرى تورەعالي ءتورالى جۇرگىزگەن اۆتوكولىكتى قۋىپ جەتىپ، ءانشىنى ءتۇسىرىپ الىپ، مەديسينالىق ساراپتاما جاساتقان. سونىڭ ناتيجەسىندە ءانشىنىڭ ەسىرتكى قولدانعانى راستالدى. سول كۇنى ول اكىمشىلىك جاۋاپقا تارتىلدى.

سوسىن 20 تاۋلىككە قاماۋعا الىنىپ، 7 جىلعا كولىك جۇرگىزۋ قۇقىعىنان ايىرىلدى. ودان كەيىن يزولياتورداعى 20 كۇندىك جازاسىنا تاعى ءۇش كۇن قوسىلدى.

3 شىلدەدە الەۋمەتتىك جەلىدە ءانشىنىڭ كولىك جۇرگىزگەنى تۋرالى اقپارات تارادى. ءدال سول كۇنى تورەعالي ءتورالىنىڭ قاماۋداعى مەرزىمى تاعى 15 كۇنگە ۇزارتىلدى.