قۇتقارۋشىلار جاڭا جىل تۇنىندە كۇشەيتىلگەن رەجيمدە جۇمىس ىستەدى.
قازاقستاننىڭ ءورت سوندىرۋشىلەرى كەشەدەن بەرى توقسانعا جۋىق ءورتتى ءوشىردى، دەپ حابارلايدى aqshamnews.kz ق ر تجم باسپا ءسوز قىزمەتىنە سىلتەمە جاساپ.
جاڭا جىل قارساڭىندا قۇتقارۋشىلار كۇشەيتىلگەن رەجيمدە جۇمىس ىستەدى. ماسەلەن، 31 جەلتوقساندا رەسپۋبليكا بويىنشا 88 رەت ءورت پەن تۇتانۋ وقيعاسى تىركەلدى. بۇدان بولەك، ىزدەستىرۋ، اۆاريالىق-قۇتقارۋ جانە باسقا دا جۇمىستارعا قاتىستى.
"بۇل رەتتە 25 ادام، ونىڭ ىشىندە 8 بالا قۇتقارىلدى جانە ەۆاكۋاسيالاندى"، - دەيدى قۇتقارۋشىلار.
ال جاڭا جىلعا قاراعان ءتۇنى كاسپيي جاعالاۋىندا جاساندى پالما وتقا وراندى. ءورت سوندىرۋشىلەر ونى ءوشىرىپ ۇلگەردى. ال جاعالاۋدا جينالعان حالىق قۇتقارۋشىلارعا قوشەمەت كورسەتتى.
توتەنشە جاعدايلار مينيترلىگى ازاماتتاردى ءورت قاۋىپسىزدىك شارالارىن، داۋىل تۋرالى ەسكەرتۋلەردى، اۋا-رايىنىڭ وزگەرۋىن، جولداردىڭ جابىلۋى تۋرالى حابارلامالاردى باقىلاپ، الىس ساپارلارعا شىقپاۋعا شاقىرادى. ال اۋىلدىق جەرلەردە تۇراتىن تۇرعىندارعا اۋا رايى ناشارلاعان جاعدايدا الىس قاشىقتىققا شىقپاعان ابزال.