ساياسي ۇيىمدار بىرلەسىپ جاتىر.
ەلوردادا كەزەكتەن تىس پرەزيدەنت سايلاۋىندا قاسىم-جومارت كەمەل ۇلى توقايەۆتىڭ كانديداتۋراسىن قولداۋ جونىندەگى حالىقتىق كواليسيانىڭ فورۋمى باستالدى. ءىس-شاراعا مەملەكەت باسشىسى قاسىم-جومارت توقايەۆ تا قاتىسۋدا، دەپ حابارلايدى Almaty-akshamy.kz قازاقپاراتقا سىلتەمە جاساپ.
ايتا كەتەيىك، AMANAT پارتياسىنىڭ كەزەكتەن تىس XXIV سەزىندە پارتيا باسشىسى – ق ر پارلامەنتى ءماجىلىسىنىڭ ءتوراعاسى ەرلان قوشانوۆ ەلىمىزدەگى ءبىرقاتار پارتيالار مەن ساياسي بىرلەستىكتەر پرەزيدەنتتىككە مەملەكەت باسشىسى قاسىم-جومارت كەمەل ۇلى توقايەۆتىڭ كانديداتۋراسىن ۇسىنىپ وتىرعانىنا توقتالعان ەدى.
«وسى ورايدا ءبىز سول ساياسي ۇيىمدارمەن بىرلەسىپ، قاسىم-جومارت كەمەل ۇلى توقايەۆتى قولداۋ جونىندەگى حالىقتىق كواليسيا قۇرۋ جونىندەگى كەلىسىمگە كەلدىك. تۇستەن كەيىن وسى عيماراتتا مەملەكەت باسشىسىنىڭ قاتىسۋىمەن ۇلكەن فورۋم وتەدى. سوعان ءبارىمىز قاتىسامىز. بارشاڭىزدى ادىلەتتى قازاقستان قۇرۋ جولىنداعى يگى باستامالاردى ىسكە اسىرۋ ءۇشىن جۇدىرىقتاي جۇمىلۋعا شاقىرامىن»، - دەگەن ەدى پارتيا ءتوراعاسى.