ءۇندىستان حالقىنا جانە ۇكىمەتىنە كوڭىل ايتتى.
قاسىم-جومارت توقايەۆ ءۇندىستان پرەمەر-مينيسترى نارەندرا موديگە ءۇندىستاننىڭ گۋدجارات شتاتىندا بولعان قايعىلى وقيعا سالدارىنان كوپتەگەن ادامنىڭ قازا تابۋىنا بايلانىستى كوڭىل ايتتى، دەپ حابارلايدى Almaty-akshamy.kz اقوردانىڭ باسپا ءسوز قىزمەتىنە سىلتەمە جاساپ.
«ءۇندىستاننىڭ گۋدجارات شتاتىندا جاياۋ جۇرگىنشى كوپىرىنىڭ قۇلاۋى سالدارىنان كوپتەگەن ادامنىڭ قازا تاپقانى جانە جاراقات العانى تۋرالى سۋىت حاباردى تەرەڭ كۇيزەلىسپەن قابىلدادىم. وسى قايعىلى وقيعاعا بايلانىستى ءۇندىستان حالقىنا جانە ۇكىمەتىنە كوڭىل ايتامىن. سونداي-اق جاقىندارىنان ايىرىلعان وتباسىلاردىڭ قايعىسىنا ورتاقتاسىپ، زارداپ شەككەندەردىڭ تەزىرەك ساۋىعىپ كەتۋىنە تىلەكتەستىك بىلدىرەمىن»، – دەپ جازىلعان جەدەلحاتتا.
ەسكە سالا كەتسەك، ءۇندىستاننىڭ باتىسىنداعى گۋدجارات شتاتىنداعى اسپالى كوپىردىڭ قۇلام، 141 ادام قازا تاپقان بولاتىن. ولاردىڭ اراسىندا حابار-وشارسىز كەتكەندەر دە بار. كوپىر ۇزاق جوندەۋدەن وتكەن. قولدانىسقا بەرىلگەن كوپىر بىرنەشە كۇن وتكەن سوڭ قۇلاعان.