ءىس-شارا قازاقستاننىڭ توراعالىعىمەن وتەدى.
14 قازاندا ەلوردامىزدا پرەزيدەنت قاسىم-جومارت توقايەۆ تمد مەملەكەتتەرى باسشىلارى كەڭەسىنە قاتىسادى، دەپ حابارلايدى Almaty-akshamy.kz
وسى كۇنگە «ورتالىق ازيا – رەسەي» ءسامميتى جوسپارلانعان. سونداي-اق مەملەكەت باسشىسى الداعى اپتادا ءبىرقاتار حالىقارالىق ءىس-شاراعا قاتىسادى.
11-12 قازاندا قاتار ءامىرى شەيح ءتاميم بەن حاماد ءال تانيدىڭ قازاقستانعا مەملەكەتتىك ساپارى جوسپارلانعان.
12-13 قازاندا تۇركيا پرەزيدەنتى رەجەپ تاييپ ەردوعان ەلىمىزگە مەملەكەتتىك ساپارمەن كەلەدى.
13 قازاندا قاسىم-جومارت توقايەۆتىڭ توراعالىعىمەن ازياداعى ءوزارا ىقپالداستىق جانە سەنىم شارالارى جونىندەگى كەڭەستىڭ VI ءسامميتى وتەدى. شارا اياسىندا پرەزيدەنت مەملەكەتتەر مەن ۇكىمەتتەر باسشىلارىمەن، سونداي-اق حالىقارالىق ۇيىمداردىڭ جەتەكشىلەرىمەن ءبىرقاتار ەكىجاقتى كەزدەسۋ وتكىزەدى.
15 قازاندا قازاقستانعا تۇرىكمەنستان پرەزيدەنتى سەردار بەردىمۇحامەدوۆ مەملەكەتتىك ساپارمەن كەلەدى.