بۇگىن 72 جاسىنا قاراعاندا قازاقستاننىڭ تۇڭعىش پرەمەر-مينيسترى بولعان سەرگەي تەرەششەنكو دۇنيەدەن ءوتتى.
قاسىم-جومارت توقايەۆ كورنەكتى مەملەكەت جانە قوعام قايراتكەرى سەرگەي تەرەششەنكونىڭ قايتىس بولۋىنا بايلانىستى ونىڭ وتباسى مەن جاقىندارىنا كوڭىل ايتتى، دەپ حابارلايدى Almaty-akshamy.kz
«سەرگەي الەكساندروۆيچ ەڭبەك جولىندا كولحوز ينجەنەرىنەن باستاپ قازاقستان رەسپۋبليكاسى ۇكىمەتىنىڭ ءبىرىنشى ءتوراعاسىنا دەيىنگى كاسىبي بەلەستەردەن ءوتتى. ونىڭ باسشىلىعىمەن قازاقستان تاۋەلسىزدىك العان جىلدارى اۋقىمدى الەۋمەتتىك-ەكونوميكالىق رەفورمالار ازىرلەنىپ، جۇزەگە اسىرىلدى. بەلسەندى قوعام قايراتكەرى جانە كاسىپكەر رەتىندە س.تەرەششەنكو ەلىمىزدىڭ دامۋىنا، بەيبىتشىلىك پەن كەلىسىمدى نىعايتۋعا ولشەۋسىز ۇلەس قوستى. ەرەكشە سىڭىرگەن ەڭبەگى ءۇشىن «قازاقستاننىڭ ەڭبەك ەرى» جوعارى اتاعىمەن، باسقا دا مەملەكەتتىك ناگرادالارمەن ماراپاتتالدى»، – دەلىنگەن جەدەلحاتتا.