توقايەۆ سقو اكىمىنە بىرنەشە تاپسىرما بەردى

پرەزيدەنت سولتۇستىك قازاقستان وبلىسىنىڭ اكىمى عاۋەز نۇرمۇحامبەتوۆتى قابىلدادى، - دەپ حابارلايدى اqshamnews.kz ءتىلشىسى.

قاسىم-جومارت توقايەۆقا ايماقتىڭ بيىلعى ءبىرىنشى جارتىجىلدىقتاعى الەۋمەتتىك-ەكونوميكالىق دامۋى جونىندە ەسەپ بەرىلدى.

اۋىل شارۋاشىلىعى:

• مايلى جانە جەم-شوپ داقىلدارىنىڭ ەگىستىك كولەمى ۇلعايعان؛
• تۇقىم جاڭارتۋ دەڭگەيى 11،2 پايىزعا جەتكەن، سۋ ۇنەمدەۋ تەحنولوگيالارى بەلسەندى ەنگىزىلىپ جاتىر؛
• «كەڭ دالا 2» باعدارلاماسى اياسىندا شارۋالارعا 97 ميلليارد تەڭگە بولىنگەن. بيىل مەملەكەتتىك قولداۋ اۋقىمى بىلتىرعىمەن سالىستىرعاندا 24 پايىزعا ارتقان؛

سولتۇستىك قازاقستان وبلىسى ەلىمىزدە ءسۇت ءوندىرىسى بويىنشا العاشقى ۇشتىككە كىرەدى، سونىڭ ىشىندە ءسۇت ءوندىرۋ كەشەندەرىنىڭ سانى جاعىنان كوش باستاپ تۇر.

ينۆەستيسيا:

وبلىستا جالپى سوماسى 893 ميلليارد تەڭگەنى قۇرايتىن 52 ينۆەستيسيالىق جوبا جۇزەگە اسىرىلىپ جاتىر. ناتيجەسىندە 7،5 مىڭ جاڭا جۇمىس ورنى اشىلماق. 

تۇرعىن ءۇي قۇرىلىسى:

• بيىل 332 مىڭ شارشى مەتر تۇرعىن ءۇيدى پايدالانۋعا بەرۋ جوسپارلانعان. قازىرگى تاڭدا 5 كوپقاباتتى ءۇي تاپسىرىلدى. جىل سوڭىنا دەيىن تاعى دا 11 نىساننىڭ قۇرىلىسى اياقتالادى؛
• الەۋمەتتىك وسال توپقا جاتاتىن ازاماتتار ءۇشىن بيىل 258 پاتەر ساتىپ الىنادى.

ۇلتتىق جوبالار:

• «كەلەشەك مەكتەپتەرى» ۇلتتىق جوباسى اياسىندا پەتروپاۆل قالاسىندا 600 ورىندىق جاڭا زاماناۋي مەكتەپ سالىندى. سونىمەن قاتار 280 ورىندىق بالاباقشانىڭ قۇرىلىسى جۇرگىزىلۋدە؛
• دەنساۋلىق ساقتاۋ سالاسىندا اۋىلدىق جەردەگى 46 مەديسينالىق نىسان جاڭعىرتىلدى. وڭىرگە مەديسينا ماماندارىن تارتۋ ماقساتىندا جۇيەلى جۇمىس اتقارىلىپ جاتىر.