پرەزيدەنت قاسىم-جومارت توقايەۆ قازاقستان رەسپۋبليكاسى كونستيتۋسياسىنىڭ 30 جىلدىعىنا ارنالعان "كونستيتۋسيا جانە مەملەكەتتىلىك: قۇقىق پەن بولاشاق ديالوگى" اتتى عىلىمي-پراكتيكالىق كونفەرەنسيادا ءسوز سويلەدى، - دەپ حابارلايدى اqshamnews.kz ءتىلشىسى.
"بۇگىنگى جيىننىڭ ءمان-ماڭىزى ايرىقشا. وسىدان 30 جىل بۇرىن بۇكىلحالىقتىق رەفەرەندۋمدا قازاقستان رەسپۋبليكاسىنىڭ كونستيتۋسياسى قابىلداندى. بۇل ەگەمەن ەلىمىز ءۇشىن تاريحي ءسات بولدى. بارشاڭىزعا قۇتتى بولسىن دەيمىن. شىن مانىندە، اتا زاڭنان بيىك ەشتەڭە جوق"، - دەدى مەملەكەت باسشىسى.
پرەزيدەنتتىڭ ايتۋىنشا، سەبەبى كونستيتۋسيا – مەملەكەتتىگىمىزدىڭ مىزعىماس تۇعىرى، تاۋەلسىزدىگىمىزدىڭ اينىماس تەمىرقازىعى.
"قازاق – ۇلى دالا زاڭىنا باس يگەن، ار-ۇياتتان اتتاماعان حالىق. قاسىم حاننىڭ قاسقا جولى، ەسىم حاننىڭ ەسكى جولى، ءاز تاۋكەنىڭ جەتى جارعىسى – ناعىز دالا زاڭىنىڭ جارقىن ۇلگىلەرى. وسى ءداستۇر ەشقاشان ۇزىلگەن ەمەس. جۇرتىمىز دالا زاڭىنان قازىرگى اتا زاڭىنا دەيىن تاريحي جولدان ءوتتى. وتكەن عاسىردىڭ باسىندا قازاق زيالىلارى بۇل ىسكە ەلەۋلى ۇلەس قوستى. كەڭەس زامانىندا ەلىمىزدىڭ قۇقىقتىق ىرگەتاسى قالاندى، بىلىكتى زاڭگەرلەر شوعىرى پايدا بولدى"، - دەدى توقايەۆ.