قازاقستان پرەزيدەنتى قاسىم-جومارت توقايەۆ پرەزيدەنتتىك وكىلەتتىلىگى اياقتالعانشا وتاندىق جانە شەتەلدىك ناگرادالاردى قابىلداماۋدى شەشتى. مەملەكەت باسشىسىنىڭ باسپا ءسوز حاتشىسى رۋسلان جەلدىباي Telegram-ارنالاردا تاراعان اقپاراتتى راستادى، دەپ حابارلايدى Almaty-akshamy.kz Almaty.tv-گە سىلتەمە جاساپ.
بۇگىن YEDILOV ONLINE Telegram-ارناسىندا پرەزيدەنتتىڭ بارلىق ناگرادادان باس تارتقانى تۋرالى اقپارات جاريالاندى. وعان سايكەس، كەشە سانكت-پەتەربور قالاسىندا قاسىم-جومارت توقايەۆتى "الەكساندر نيەۆسكيي" وردەنىمەن ماراپاتتاۋ تۋرالى ۇسىنىس جاسالدى.
"مەملەكەت باسشىسى وعان كورسەتىلگەن قۇرمەت ءۇشىن العىس ايتتى. ءبىراق ول پرەزيدەنتتىك وكىلەتتىلىگى اياقتالعانشا وتاندىق جانە شەتەلدىك ناگرادالاردى قابىلداماۋدى شەشتى. ءدال وسى سەبەپكە بايلانىستى جاقىندا بىشكەك قالاسىنا جاساعان ساپارى بارىسىندا قىرعىزدىڭ جوعارى ناگراداسى - I دارەجەلى "ماناس" وردەنىنەن باس تارتقان بولاتىن"، - دەپ جازدى ەربول ەدىلوۆ.