جارلىقتا جۇيەلى جانە قولدانبالى شارالار كەشەنى قاراستىرىلعان.
قاسىم-جومارت توقايەۆ مەملەكەتتىك اپپاراتتىڭ قىزمەتىن بيۋروكراتيادان ارىلتۋ تۋرالى جارلىققا قول قويدى، دەپ حابارلايدى Almaty-akshamy.kz اقورداعا سىلتەمە جاساپ.
پرەزيدەنت «مەملەكەتتىك اپپاراتتىڭ قىزمەتىن بيۋروكراتيادان ارىلتۋ شارالارى تۋرالى» جارلىققا قول قويدى. بيۋروكراتيادان ارىلتۋدىڭ نەگىزگى قاعيداتتارى فورما ءمانىنىڭ باسىمدىعىن، باستاپقى قالپى بويىنشا سيفرلاندىرۋدى، باسقارۋشىلىق جاۋاپكەرشىلىكتى، ۇزدىكسىز جەتىلدىرۋدى، رەگلامەنتتەۋدىڭ وڭتايلىلىعىن ايقىندايدى. جارلىقتا جۇيەلى جانە قولدانبالى شارالار كەشەنى قاراستىرىلعان.
بۇل شارالاردىڭ جۇزەگە اسىرىلۋى مەملەكەتتىك اپپاراتتا شەشىمدەردىڭ قابىلدانۋىن جىلدامداتادى، مەملەكەتتىك ورگاندارداعى ءبىرىنشى باسشىلاردىڭ دەربەستىگى مەن جەكە جاۋاپكەرشىلىگىن ارتتىرادى، قۇجات اينالىمى مەن ەسەپ بەرۋشىلىكتى قىسقارتادى.
اتاپ ايتقاندا، جۇكتەلگەن مىندەتتەردى جىلدام جۇزەگە اسىرۋ ءۇشىن مەملەكەتتىك ورگاندارعا نورماتيۆتىك قۇقىقتىق اكتىلەردى وزدەرىنىڭ فۋنكسيالارىن زاڭنامالىق دەڭگەيدە ناقتىلاپ جاتپاي-اق قابىلداۋعا قۇقىق بەرىلەدى. كەشەندى رەينجينيرينگ نەگىزىندە نورما شىعارۋ جانە بيۋدجەت ۇدەرىستەرىنىڭ مەرزىمدەرى مەن كەزەڭدەرى ەكى ەسە قىسقارادى.
سونىمەن قاتار ۆەدومستۆولىق ەسەپ بەرۋ ءىسىن جۇيەلەۋ جانە اۆتوماتتاندىرۋ؛ اقپاراتتىق جۇيەلەردە بار مالىمەتتەردى مەملەكەتتىك ورگانداردىڭ سۇراتۋىنا تىيىم سالىنادى؛ قاعاز تۇرىندەگى قۇجاتتارعا بۇرىشتاما سوعۋ جانە ولاردىڭ پاراقتارىنا الدىن الا قول قويۋ جويىلادى؛ وكىلەتتىكتەردى ورتا دەڭگەيدەگى باسقارۋ بۋىنىنا بەرۋ؛ قاشىقتان جۇمىس ىستەۋ ءۇشىن مەملەكەتتىك ورگانداردىڭ باسشىلارىن قۇرالدارمەن قامتاماسىز ەتىپ، جاعداي جاساۋ جانە باسقا دا ماسەلەلەر قاراستىرىلادى.
بيۋروكراتيادان ارىلتۋ ىسىندە مەملەكەتتىك باسقارۋدىڭ بارلىق سالاسىن سيفرلىق ترانسفورماسيالاۋ جانە جۇيەلىك رەينجينيرينگتەۋ ماڭىزدى سانالادى. بۇل جۇمىستاردىڭ نەگىزگى بەنەفيسيارلارى ازاماتتار بولادى. بۇدان بولەك جارلىقتا قامتىلعان شارالار تۇپكىلىكتى ناتيجەگە اسەر ەتپەيتىن، ءبىراق مەملەكەتتىك قىزمەتشىلەردى قاجەتسىز راسىمدەر مەن ۇدەرىستەردەن بوساتۋعا مۇمكىندىك بەرەدى، سونداي-اق مەملەكەت باسشىسىنىڭ ساياسي جانە ەكونوميكالىق رەفورمالارىن مەملەكەتتىك اپپاراتتىڭ ءتيىمدى جۇزەگە اسىرۋىن قامتاماسىز ەتەدى.