يران ماۆزولەيىندە 15 ادام قازا تاپقان بولاتىن.
قاسىم-جومارت توقايەۆ يران يسلام رەسپۋبليكاسىنىڭ پرەزيدەنتى يبراحيم رايسيگە كوڭىل ايتۋ جەدەلحاتىن جولدادى، دەپ حابارلايدى Almaty-akshamy.kz اقوردانىڭ باسپا ءسوز قىزمەتىنە سىلتەمە جاساپ.
جەدەلحاتتا قازاقستان پرەزيدەنتى يراننىڭ شيراز قالاسىنداعى شاحچەراع عيباداتحاناسىندا بولعان لاڭكەستىك ارەكەتتىڭ سالدارىنان كوپتەگەن ازاماتتىڭ قازا تاپقانى جانە جاراقات العانى تۋرالى سۋىت حاباردى تەرەڭ كۇيزەلىسپەن قابىل العانىن جەتكىزدى.
«وسىنداي اۋىر ساتتە قايعى-قاسىرەتتەرىڭىزگە ورتاقتاسىپ، بارشا قازاقستاندىقتاردىڭ جانە جەكە ءوز اتىمنان سىزگە، جاقىندارىنان ايىرىلعاندارعا، سونداي-اق بۇكىل يران حالقىنا كوڭىل ايتامىن»، - دەپ جازىلعان مەملەكەت باسشىسىنىڭ كوڭىل ايتۋ حاتىندا.
قاسىم-جومارت توقايەۆ باقيلىق بولعانداردىڭ جانى ءجانناتتا بولۋىنا، زارداپ شەككەندەردىڭ تەزىرەك ساۋىعىپ، وتباسىلارىنا ورالۋىنا تىلەكتەستىك ءبىلدىردى.
ەسكە سالساق، يران ماۆزولەيىندە ەر ادام 15 ادامدى اتىپ ولتىرگەن بولاتىن.