مەملەكەت باسشىسى حورۆاتيا رەسپۋبليكاسىنىڭ پرەزيدەنتىنە قۇتتىقتاۋ جەدەلحاتىن جولدادى، دەپ حابارلايدى Almaty-akshamy.kz اقورداعا سىلتەمە جاساپ.
قاسىم-جومارت توقايەۆ زوران ءميلانوۆيچتى جانە بارشا حورۆات حالقىن حورۆاتيا رەسپۋبليكاسىنىڭ ۇلتتىق مەرەكەسى – مەملەكەتتىلىك كۇنىمەن قۇتتىقتادى.
«بۇگىندە حورۆاتيا ەۋروپا وداعىنىڭ بەلسەندى مۇشەسى رەتىندە ءوزىنىڭ تۇراقتى دامۋ، حالىقتىڭ ءال-اۋقاتىن جاقسارتۋ جانە حالىقارالىق قاۋىمداستىقتاعى بەدەلىن ارتتىرۋ جولىندا ەلەۋلى جەتىستىكتەرگە قول جەتكىزىپ كەلەدى. وسى رەتتە مەملەكەتىڭىزدىڭ ءارى قاراي قارىشتاپ دامۋىنا، مەرەيىنىڭ ءارقاشان ۇستەم بولۋىنا تىلەكتەسپىن. استانا مەن زاگرەب اراسىنداعى مازمۇندى ساياسي ديالوگ پەن ءداستۇرلى دوستىققا سۇيەنە وتىرىپ، ىنتىماقتاستىعىمىزدىڭ اياسى جىلدان-جىلعا كەڭەيىپ جاتقانىن ريزاشىلىقپەن اتاپ وتەمىن. بىرلەسكەن كۇش-جىگەرىمىزدىڭ ارقاسىندا ەلدەرىمىزدىڭ سان قىرلى بايلانىستارى بولاشاقتا ودان ءارى نىعايا تۇسەتىنىنە سەنىمدىمىن»، – دەپ جازىلعان جەدەلحاتتا.
مەملەكەت باسشىسى حورۆاتيا پرەزيدەنتىنىڭ اسا جاۋاپتى قىزمەتىنە تولايىم تابىس، دوستاس حورۆات حالقىنا قۇت-بەرەكە تىلەدى.