مينيستر جاڭارتىلاتىن ەنەرگيا كوزدەرىن دامىتۋ شارالارى تۋرالى باياندادى.
مەملەكەت باسشىسى ەنەرگەتيكا ءمينيسترى الماسادام ساتقالييەۆتى قابىلدادى، دەپ حابارلايدى aqshamnews.kz اقورداعا سىلتەمە جاساپ.
الماسادام ساتقالييەۆ:
ەلىمىزدىڭ وتىن-ەنەرگەتيكا كەشەنىنىڭ بيىلعى ءبىرىنشى جارتىجىلدىقتاعى دامۋى جونىندە ەسەپ بەردى؛
وسى ۋاقىت ارالىعىندا 44،7 ميلليون توننا مۇناي وندىرىلگەن. مۇناي ونىمدەرىنىڭ ءوندىرىسى 6،78 ميلليون توننانى قۇراعان. سونداي-اق 30،1 ميلليارد تەكشە مەتر گاز ءوندىرىلىپ، ەلەكتر قۋاتىن ءوندىرۋ كولەمى 60،4 ميلليارد كۆت/ساعاتقا جەتكەنى تۋرالى ايتتى؛
ۆەدومستۆونىڭ تۇتىنۋشىلاردى ەلەكتر قۋاتىمەن جانە جىلۋمەن تۇراقتى قامتاماسىز ەتۋگە باعىتتالعان ءىرى ينۆەستيسيالىق جوبالاردى ىسكە اسىرۋ جوسپارى جونىندە مالىمەت بەردى؛
جاڭارتىلاتىن ەنەرگيا كوزدەرىن دامىتۋ شارالارى تۋرالى باياندادى.
كەزدەسۋ سوڭىندا مەملەكەت باسشىسى جىلىتۋ ماۋسىمىنا دايىندىق بويىنشا ءتيىستى جۇمىستاردى جۇرگىزۋدى جانە ىشكى نارىقتى مۇناي ونىمدەرىمەن قامتاماسىز ەتۋدى تاپسىردى.