جاڭا تاسىلدەردى ۇسىنۋ ماڭىزدى.
جوعارى ەۋرازيالىق ەكونوميكالىق كەڭەستىڭ وتىرىسىندا ق ر پرەزيدەنتى قاسىم-جومارت توقايەۆ ەڭبەك ميگراسياسى مەن تۋريزم سالاسىنا قاتىستى ۇسىنىس ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«ەڭبەك ميگراسياسى ماسەلەسىنە دە ەرەكشە نازار اۋدارۋ قاجەت دەپ ەسەپتەيمىن. قازىرگى سىن-قاتەرلەر بۇل سالانىڭ ماڭىزدى ەكەنىن ايقىنداي تۇسەدى. ءبىر ورىندا تۇرىپ قالماي، جاڭا تاسىلدەردى ۇسىنۋ ماڭىزدى. سونىڭ ىشىندە جۇمىس ىزدەۋ، جۇمىسقا ورنالاستىرۋ راسىمدەرىن جەڭىلدەتۋ، ەڭبەك ميگرانتتارى مەن ولاردىڭ وتباسىلارىنا الەۋمەتتىك كەپىلدىكتەر بەرۋ ىسىنە جاڭا تاسىلدەر كەرەك. ازاماتتار ينتەگراسيالىق جوبانىڭ پايداسىن تولىق سەزىنۋى كەرەك»، - دەدى قاسىم-جومارت توقايەۆ.
سونىمەن قاتار مەملەكەت باسشىسى تۋريزم سالاسىنا توقتالا كەلە، بۇل باعىتتا ەۋرازيالىق ەكونوميكالىق وداقتىڭ الەۋەتى زور ەكەنىن ايتتى.
«كوميسسيا ۇكىمەتتەرمەن بىرلەسە وتىرىپ، وسى سالادا ماڭىزدى ءارى شىنايى جوبالاردى ازىرلەي الادى»، - دەدى قازاقستان پرەزيدەنتى.