توقايەۆ: اەس سالاتىن ورىندى ايقىندادىق

اتوم ەنەرگەتيكاسىن ەۋروپالىق وداق جاسىل تەحنولوگيالار تىزىمىنە قوسىپ وتىر

قازاقستان اتوم ەلەكتر ستانساسىنىڭ قاي ايماقتا سالاتىنىن بەلگىلەدى. بۇل تۋرالى ق ر پرەزيدەنتى جانىنداعى شەتەلدىك ينۆەستورلار كەڭەسىنىڭ 34-جالپى وتىرىسىندا مەملەكەت باسشىسى قاسىم-جومارت توقايەۆ ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.

«پارنيكتىك گاز شىعارىندىلارىن تومەندەتۋدەگى ماڭىزدى فاكتوردىڭ ءبىرى - اتوم ەنەرگياسىن پايدالانۋ. مۇنىڭ ۇستىنە جاڭاراتىن ەنەرگەتيكانىڭ تۇراقسىزدىعى جانە گاز گەنەراسياسىنىڭ شەكتەۋلىگى جاعدايىندا الەمدىك اتوم ۇزدىكسىز بازالىق گەنەراسيانىڭ جالعىز كوزى بولادى»، - دەدى مەملەكەت باسشىسى.

ق ر پرەزيدەنتىنىڭ اتاپ وتۋىنشە، قازاقستاننىڭ اتوم ەنەرگەتيكاسىن دامىتۋدا ءبىرقاتار ناقتى باسىمدىعى بار.

ال اتوم ەنەرگەتيكاسىن ەۋروپالىق وداق جاسىل تەحنولوگيالار تىزىمىنە قوسىپ وتىر.

«ەلىمىز تابيعي ۋران وندىرۋدە الەمدە ءبىرىنشى ورىندا تۇر. يادرولىق وتىن كومپونەنتتەرىنىڭ وزىندىك ءوندىرىسى جانە ۋراندى بايىتۋ ءۇشىن مۇمكىندىگى بار. قازىرگى ساتتە اەس ورنالاساتىن ورىندى ايقىندادىق جانە الەۋەتتى جەتكىزۋشىلەردىڭ تەحنولوگياسىن زەردەلەپ جاتىرمىز»، - دەدى قاسىم-جومارت توقايەۆ.