مەملەكەت باسشىسى قاسىم-جومارت توقايەۆ قۇقىق قورعاۋ ورگاندارىنىڭ كەڭەيتىلگەن القا ماجىلىسىندە قانشا ادامعا امنيستيا جاريالانعانىن ايتتى، - دەپ حابارلايدى aqshamnews.kz ءتىلشىسى.
"بيىل كونستيتۋسيانىڭ قابىلدانعانىنا 30 جىل تولادى. وسىعان وراي، قۇقىق قورعاۋ قۇرىلىمدارى، دەپۋتاتتار مەن قۇقىق قورعاۋشىلار سوتتالعان ازاماتتارعا راقىمشىلىق جاساۋ تۋرالى باستاما كوتەردى.
پارلامەنت ءتيىستى زاڭدى قارادى، مەن بۇل زاڭعا قول قويدىم. وسى ىزگى شارانىڭ ارقاسىندا جازاسىن وتەپ جاتقان 15 مىڭنان استام ادامعا امنيستيا جاريالاندى. سونىڭ ەكى مىڭنان استامى بوستاندىققا شىعادى. قالعاندارىنىڭ جازا مەرزىمى قىسقارادى. ونشا اۋىر ەمەس جانە اۋىرلىعى ورتاشا قىلمىس جاساعاندار عانا راقىمشىلىققا ىلىنەدى. ەڭ الدىمەن، الەۋمەتتىك جاعىنان وسال توپقا جاتاتىن ادامدارعا، ياعني، بالاسى بار ايەلدەرگە، ەگدە ادامدارعا، كامەلەت جاسىنا تولماعاندارعا جانە وسى ساناتتاعى باسقا دا ازاماتتارعا كەشىرىم بەرىلەدى.
مۇنى جازا باسقان جاندارعا جاسالعان ناقتى كومەك، ولاردىڭ قوعامعا قايتا ورالۋىنا جاعداي جاساۋ دەپ ءتۇسىنۋ قاجەت. ءال-فارابيدىڭ سوزىمەن ايتساق، بۇل – شىن مانىندە قايىرىمدى ەلگە ءتان سيپات"، - دەدى توقايەۆ.