1. تۇركىستان وبلىسى
تۇركىستان وبلىسى بويىنشا «قازسۋشار» فيليالى وتكەن جىلى 332 مىڭ گەكتار ەگىس القابىن سۋمەن قامتاماسىز ەتتى. وبلىستا فيليالعا قاراستى 18 سۋ قويما، 11 سۋ بوگەتى، جالپى ۇزىندىعى 5733 شاقىرىم بولاتىن 1891 كانال بار. 2024 جىلعى سۋارۋ كەزەڭىندە تۇركىستان وبلىسىنىڭ سۋ كوزدەرىنەن شارۋالارعا 1،9 ملرد تەكشە مەتر سۋ بەرىلدى.
2. قىزىلوردا وبلىسى
قىزىلوردا وبلىسىندا 286 مىڭ گەكتار سۋارمالى جەر بولسا، ونىڭ 178،6 مىڭ گەكتارى ينجەنەرلىك جۇيەگە كەلتىرىلگەن اۋىسپالى ەگىستىكتەر. اتاپ ايتقاندا، 159،3 مىڭ گا كۇرىش اۋىسپالى ەگىستىگى، 19،3 مىڭ گا مال ازىقتىق جانە كوكونىس اۋىسپالى ەگىستىگى. 2024 جىلى وبلىس بويىنشا بارلىعى 189،4 مىڭ گەكتارعا ەگiس ەگىلدى. ونىڭ ىشىندە 85،6 مىڭ گا كۇرىش القابى. قىزىلوردا وبلىسى بويىنشا «قازسۋشار» فيليالى ءوڭىر ديحاندارىن 3،7 ملرد تەكشە مەتر سۋمەن قامتاماسىز ەتتى.
3. الماتى وبلىسى
د.قونايەۆ اتىنداعى ۇلكەن الماتى كانالى فيليالى وتكەن جىلى 51 مىڭ گەكتاردان استام ەگىس القابىن سۋارمالى سۋمەن قامتاماسىز ەتتى. فيليال شارۋالارمەن 2768 كەلىسىم شارت جاساپ، 545 ملن تەكشە مەتر سۋ بەردى. الماتى وبلىسىنداعى 2 ءىرى سۋ قويماسى: بارتوعاي جانە كۇرتى سۋ قويمالارىنىڭ ارقاسىندا ايماقتا ۆەگەتاسيالىق كەزەڭى ءساتتى ءوتتى. بىلتىر بارتوعاي سۋ قويماسىنا 1،4 ملرد، ال كۇرتى سۋ قويماسىنا 195 ملن تەكشە مەترگە جۋىق سۋ كەلدى.
4. جەتىسۋ وبلىسى
جەتىسۋ وبلىسى بويىنشا «قازسۋشار» فيليالى 180 مىڭ گەكتار سۋارمالى جەرگە قىزمەت كورسەتەدى. بىلتىر فيليال اۋىل شارۋاشىلىعى تاۋارىن وندىرۋشىلەرىمەن 7329 كەلىسىمشارت جاساپ، سۋارۋ كەزەڭىندە شارۋالارعا 925 ملن تەكشە مەتردەن استام سۋ بەردى.
5. جامبىل وبلىسى
جامبىل وبلىسى بويىنشا «قازسۋشار» فيليالى بىلتىر 162 مىڭ گەكتاردان استام جەرگە سۋ بەردى. 2024 جىلى فيليالدىڭ بارلىق 10 وندىرىستىك بولىمشەسى 3836 شارۋا قوجالىعىمەن سۋ جەتكىزۋ بويىنشا كەلىسىمشارت جاساپ، 533 ملن تەكشە مەتر سۋمەن قامتاماسىز ەتتى.