ۇلتتىق وليمپيادا كوميتەتى بوكسشىلاردىڭ توكيودا كورسەتكەن ونەرىنە باعا بەردى
ۇلتتىق وليمپيادا كوميتەتى باس اسسامبلەياسىنىڭ وتىرىسىندا كوميتەتتىڭ باس حاتشىسى اندرەي كريۋكوۆ بوكسشىلاردىڭ توكيوداعى ساتسىزدىگىنە باعا بەردى، دەپ حابارلايدى almaty-akshamy.kz inform.kz سىلتەمە جاساپ.
«بوكستان ۇلتتىق قۇراما كوماندا ريو ويىندارىنىڭ الدىندا اقش-تا دايىندالىپ، ۆاسيليي ليەۆيت پەن دانيار ەلەۋسىنوۆ سياقتى ۇزدىكتەر ارنايى باعدارلاما بويىنشا جاتتىققان ەدى. بۇل باعدارلاماعا ءتىپتى بيۋدجەتتەن تىس قاراجات بولىنگەن بولاتىن. بوكسشىلار اراسىندا سوڭعى ءبىر جىلدا ەشبىر جارىستىڭ بولماۋى وليمپيادا سيكلىنە دايىندىقتى ناشارلاتتى. توكيو وليمپياداسىنىڭ ناتيجەسى ۇلتتىق بىرىنشىلىكتەرىندە باسەكە وتە جوعارى ءىرى ەلدەر عانا جارىس تاجىريبەسىن ىشكى جاعدايدا قامتاماسىز ەتە العانىن كورسەتتى»، - دەدى اندرەي كريۋكوۆ.
ونىڭ ايتۋىنا قاراعاندا، ىشكى چەمپيوناتتىڭ دەڭگەيى اقش سپورتشىلارىنا - جەڭىل اتلەتيكادا، بوكس پەن گيمناستيكا سالاسىندا، جاپونيا سپورتشىلارىنا - دزيۋدودا، وڭتۇستىك كورەيا سپورتشىلارىنا - ساداق اتۋ مەن سەمسەرلەسۋدە تابىستى ونەر كورسەتۋگە مۇمكىندىك بەرگەن.
«بىزگە ازيا ەلدەرىنىڭ پاندەميا كەزىندە بىر-بىرىنەن وقشاۋ قالعانى دا كەرى اسەرىن تيگىزدى. ال ەۋروپا ەلدەرىندە ءوزارا قاتىناۋ مۇمكىندىگى بولدى. وسىلايشا سپورتشىلار كۇنتىزبەسىن وزگەرىسسىز قالدىرىپ، جارىس پراكتيكاسىن قاجەتتى مولشەردە الا ءبىلدى. تالداۋ جۇرگىزە كەلىپ، ساراپشىلار جارىس پراكتيكاسىنىڭ بولماۋىنان بولەك، ۇلتتىق قۇراما مۇشەلەرىنىڭ مورالدىق-پسيحولوگيالىق دايىندىعى ءالسىز بولعانىن ايتتى. اسىرەسە جەكە سپورت تۇرلەرىندە سولاي بولعان. دايىندىق جاتتىعۋلارىنىڭ جابىق جاعدايدا ءوتۋى جالعىز دايىندالاتىن سپورتشىلاردىڭ پسيحولوگيالىق كوڭىل-كۇيىنە اسەر ەتكەن. باپكەرلەردىڭ قاتەلەسكەن تۇسى دا بولدى. ءبىراق وعان كوپ جاعدايدا پاندەميا شەكتەۋىنەن جول تابۋ ارەكەتتەرى سەبەپكەر بولعان»، - دەدى كوميتەتتىڭ باس حاتشىسى.