كەي اۋماقتا قاتتى جەل تۇرىپ، قالىڭ تۇمان بولادى.
"قازگيدرومەت" رمك 18 ناۋرىزدا قازاقستاننىڭ ءبىرقاتار وڭىرىنە داۋىلدى ەسكەرتۋ جاريالادى، دەپ حابارلايدى Almaty-akshamy.kz
تۇندە جانە تاڭەرتەڭ قاراعاندى وبلىسىنىڭ سولتۇستىگىندە، شىعىسىندا، ورتالىعىندا، سونداي-اق قاراعاندى قالاسىندا دا تۇمان بولادى دەپ كۇتىلەدى.
تۇركىستان وبلىسىنىڭ تاۋلى اۋداندارىندا 15-20 م/س جىلدامدىقپەن جەل سوعادى دەپ بولجانادى.
ماڭعىستاۋ وبلىسىنىڭ سولتۇستىك-شىعىسىندا شاڭدى داۋىل تۇرادى دەپ كۇتىلەدى. وبلىستىڭ سولتۇستىگىندە، شىعىسىندا سوققان جەلدىڭ ەكپىنى 15-20 م/س قۇرايدى.
تۇندە باتىس قازاقستان وبلىسىنىڭ باتىسىندا، وڭتۇستىگىندە، كۇندىز ءوڭىردىڭ باتىسىندا، وڭتۇستىگىندە، شىعىسىندا كوكتايعاق بولادى دەپ كۇتىلەدى. وبلىستىڭ وڭتۇستىگىندە، سولتۇستىگىندە، شىعىسىندا تۇمان ءتۇسۋى ىقتيمال. ورال قالاسىندا دا تۇندە جانە تاڭەرتەڭ تۇمان بولادى دەپ بولجانادى.
قىزىلوردا وبلىسىنىڭ سولتۇستىگىندە، ورتالىعىندا 15-20 م/س جىلدامدىقپەن جەل سوعادى دەپ كۇتىلەدى.
كۇندىز اقتوبە وبلىسىنىڭ باتىسىندا، ورتالىعىندا كوكتايعاق بولۋى ىقتيمال. تۇندە ءوڭىر ورتالىعىندا، كۇندىز وبلىستىڭ وڭتۇستىگىندە سوققان جەلدىڭ ەكپىنى 15-20 م/س دەيىن جەتەدى.
اتىراۋ وبلىسىندا جاۋىن-شاشىن (جاڭبىر، قار) بولادى، وبلىستىڭ سولتۇستىگىندە، وڭتۇستىگىندە كوكتايعاق بولادى دەپ كۇتىلەدى. وبلىستىڭ باتىسىندا، وڭتۇستىگىندە تۇمان ءتۇسۋى ىقتيمال. كۇندىز وبلىستىڭ وڭتۇستىگىندە، شىعىسىندا سوققان جەلدىڭ ەكپىنى 15-20 م/س قۇرايدى. اتىراۋدا جاۋىن-شاشىن (جاڭبىر، قار) بولادى، تۇندە جانە تاڭەرتەڭ تۇمان ءتۇسۋى ىقتيمال.
كۇندىز قوستاناي وبلىسىنىڭ باتىسىندا، وڭتۇستىگىندە جاۋىن-شاشىن (جاڭبىر، قار)، كوكتايعاق بولادى دەپ كۇتىلەدى. وبلىستىڭ باتىسىندا، وڭتۇستىگىندە تۇمان ءتۇسۋى ىقتيمال.
جەتىسۋ وبلىسىنىڭ الاكول اۋدانىندا سوققان جەلدىڭ ەكپىنى 23-28 م/س دەيىن جەتەدى.