بۇل تۋرالى ق ر پارلامەنتى سەناتىنىڭ ءتوراعاسى ماۋلەن اشىمبايەۆ ايتتى.
الماتىدا تمد ەلدەرى پارلامەنتارالىق اسسامبلەياسى كەڭەسىنىڭ مەرەيتويلىق وتىرىسى ءوتىپ جاتىر، دەپ حابارلايدى Almaty-akshamy.kz قازاقپاراتقا سىلتەمە جاساپ.
سەنات سپيكەرىنىڭ ايتۋىنشا، بۇگىنگە دەيىن اسسامبلەيا 600-دەن استام مودەلدى زاڭ مەن باسقا دا قۇجاتتاردى ازىرلەپ، قابىلدادى. تمد ەلدەرىنىڭ پارلامەنتتەرى ولاردى ءوز مەملەكەتتەرىنىڭ قۇقىقتىق بازاسىن قالىپتاستىرۋ كەزىندە بەلسەندى پايدالاندى.
«اسسامبلەيا اياسىندا حالىقارالىق كونفەرەنسيالار مەن فورۋمدار تۇراقتى تۇردە ءوتىپ كەلەدى. ونداي اۋقىمدى جيىنداردا كوشى-قون، ەكولوگيا، تەرروريزم جانە ەكسترەميزممەن كۇرەس سالالارى، سونداي-اق باسقا دا ماڭىزدى باعىتتار بويىنشا بىرلەسكەن شارالار تالقىلانىپ، ازىرلەنەدى. سوندىقتان قازىرگى تاڭدا تمد پارلامەنتارالىق اسسامبلەياسىن ەڭ ءتيىمدى پارلامەنتارالىق بىرلەستىكتەردىڭ ءبىرى دەپ ەسەپتەيمىز»، – دەدى سەنات ءتوراعاسى.