12 قازاندا باكۋدە تاۋەلسىز مەملەكەتتەر دوستاستىعىنا (تمد) مۇشە ەلدەر قارۋلى كۇشتەرىنىڭ شتابتار باستىعى كوميتەتىنىڭ كەزەكتى وتىرىس وتەدى. بۇل تۋرالى Almaty-akshamy.kz «قازاقپارات» حاا-عا سىلتەمە جاساپ حابارلايدى.
وتىرىسقا قازاقستان، بەلارۋس، قىرعىزستان، وزبەكستان قارۋلى كۇشتەرى باس شتابتارىنىڭ باستىقتارى، رەسەي قارۋلى كۇشتەرى باس شتابى باستىعىنىڭ ورىنباسارى، رەسەي فەدەراسياسىنداعى تاجىكستاننىڭ اسكەري اتتاشەسى قاتىسادى.
ءتوراعالىق ەتۋشى – ازەربايجان قورعانىس ءمينيسترىنىڭ ءبىرىنشى ورىنباسارى – ازەربايجان ارمياسى باس شتابىنىڭ باستىعى گەنەرال-پولكوۆنيك كەريم ۆەلييەۆ.
بۇعان دەيىن قىرعىزستاننىڭ قورعانىس مينيسترلىگى ءوز ەلىنىڭ اسكەري كونتينگەنتى ۇجىمدىق قاۋىپسىزدىك تۋرالى شارت ۇيىمىنىڭ (ۇقشۇ) تاجىكستاندا وتەتىن «رۋبەج-2022» وقۋ-جاتتىعۋىنا قاتىسپايتىنىن مالىمدەگەن بولاتىن. ونىمەن قوسا، قىرعىزستان ءوز اۋماعىندا ۇقشۇ بىتىمگەرلىك كونتينگەنتىنىڭ «مىزعىماس باۋىرلاستىق – 2022» كوماندالىق-شتابتىق وقۋ-جاتتىعۋىن وتكىزۋدەن باس تارتتى. وقۋ-جاتتىعۋ 10-14 قازان كۇندەرىنە جوسپارلانعان بولاتىن.