تمد بايقاۋشىلارى ميسسياسى ەلىمىزدە ءوتىپ جاتقان ءماجىلىس جانە ءماسليحاتتار سايلاۋ الدىنداعى ۇگىت-ناسيحات جۇمىستارى بارىسىندا كەمشىلىكتەردى انىقتاعان جوق.
بۇل تۋرالى اتالعان ميسسيا باسشىسى لەونيد انفيموۆ ايتتى. ونىڭ ايتۋىنشا، ەلىمىزدىڭ ورتالىق سايلاۋ كوميسسياسى سايلاۋ ناۋقانىن قالاي جوعارى كاسىبي تۇرعىدا دايىنداۋ جانە وتكىزۋ كەرەكتىگىن كورسەتكەن، دەپ حابارلايدى Almaty-akshamy.kz Qazaqstan.tv-عا سىلتەمە جاساپ.
«بۇگىنگە دەيىن ۇگىت-ناسيحات ناۋقانىن وتكىزۋ، دەپۋتاتتىققا كانديداتتاردى ۇسىنۋ بارىسىنداعى زاڭ بۇزۋشىلىقتار، سايلاۋ الدىنداعى كۇرەستەگى ادىلەتسىزدىكتەر جايىندا بىردە-بىر كەمشىلىك تاپپادىق، ونداي اقپارات تا جوق. ءبارى دە وركەنيەتتى تۇردە جۇرگىزىلىپ جاتىر. كەزەكتەن تىس دەپۋتاتتار سايلاۋىنا ءوز كانديداتۋراسىن ۇسىنعان ازاماتتاردىڭ بارلىعى لايىقتى تۇلعالار»، - دەيدى تمد بايقاۋشىلارى ميسسياسىنىڭ باسشىسى لەونيد انفيموۆ.