23-28 قاراشا ارالىعىندا شىمكەنت قالاسىندا سپورتتىڭ كۇشتىك تۇرلەرىنەن قازاقستان رەسپۋبليكاسىنىڭ اشىق چەمپيوناتى ءوتتى، دەپ حابارلايدى aqshamnews.kz
چەمپيوناتتا رەسپۋبليكانىڭ تۇكپىر-تۇكپىرىنەن كەلگەن 937 ادام جارىستى.
وسى سپورتتىق جارىسقا ق ر تجم م.عابدۋللين اتىنداعى ازاماتتىق قورعاۋ اكادەمياسىنىڭ ءورت-قۇتقارۋ جانە دەنە دايىندىعى كافەدراسىنىڭ وقىتۋشىسى ازاماتتىق قورعاۋ مايورى ۆيتاليي ۆاديموۆيچ روماششەنكو قاتىستى.
جوعارى وقۋ ورنىنىڭ قىزمەتكەرى 100 كگ سالماق دارەجەسىندە كۇشتىك سپورتتىڭ 6 ءتۇرى بويىنشا 6 التىن مەدال جەڭىپ الدى.
بۇل جارىستا ۆيتاليي ۆاديموۆيچ روماششەنكو حالىقارالىق سپورت شەبەرى ءنورماتيۆىن ورىندادى، سونىمەن قاتار 100 كەلىگە دەيىنگى سالماق دارەجەسىندە ارقانعا تارتىلۋ بويىنشا قازاقستان جانە ازيا رەكوردىن ورناتتى.
«بۇل سپورتتىق جەتىستىك ماراپاتى مەن ءۇشىن ماڭىزدى. ول ەڭبەك، ءتارتىپ جىلدارىن بەينەلەيدى. مەن وسىنداي ناتيجەگە قول جەتكىزگەنىمدى ماقتان تۇتامىن. تجم باسشىلىعىنا جانە وسى جولدا مەنى قولداعانداردىڭ بارلىعىنا ريزامىن. بۇل ءارى قاراي جۇرۋگە جانە ودان دا جوعارى ماقساتتار قويۋعا شابىتتاندىرادى»،-دەدى ۆيتاليي روماششەنكو.