تجم ءبىر اي بۇرىن 16 قاراشادا باستالعان «مۇز-2024» رەسپۋبليكالىق ۇگىت-پروفيلاكتيكالىق اكسياسىنىڭ ارالىق قورىتىندىسىن شىعاردى.
قازاقستاننىڭ سولتۇستىگىندە مۇزدىڭ قالىڭدىعى ءقاۋىپسىز دەڭگەيگە جەتسە، وڭتۇستىگىندە مۇز قاتۋ كەزەڭى ەندى عانا باستالدى.
ءبىرقاتار وڭىرلەردە، ماسەلەن اتىراۋ، قىزىلوردا، جامبىل جانە اقتوبە وبلىستارىندا سۋ ايدىندارىنىڭ مۇز جامىلعىسى الدامشى، ياعني مۇز ءالى تولىق قاتقان جوق، دەپ حابارلايدى aqshamnews.kz تجم سايتىنا سىلتەمە جاساپ.
اكسيا اياسىندا تجم قۇتقارۋشىلارى ءموبيلدى توپتاردىڭ قۇرامىندا ەلىمىزدىڭ سۋ ايدىندارىندا 7 268 رەيد پەن پاترۋلدەۋدى جۇزەگە اسىردى.
رەيدتەر بارىسىندا مۇزدا ۇستىندەگى قاۋىپسىزدىك جانە مۇزدا بالىق اۋلاۋ ەرەجەلەرى تۇسىندىرىلەدى، بارلىعى 52 284 ادامعا نۇسقاۋ بەرىلدى. ولاردىڭ جارتىسىنان كوبى بالىق اۋلاۋ اۋەسقويلارى مەن اڭشىلار. ەڭ جوعارى تاۋەكەل ايماعىنداعى حالىقتى كوبىرەك قامتۋ ءۇشىن بالىق اۋلاۋ قۇرالدارى مەن باسقا دا اڭشىلىق كەرەك-جاراقتارىن بولشەك ساۋدادا ساتۋدىڭ 760 نۇكتەسى قامتىلدى، ءار دۇكەندە ۇگىت ماتەريالدارى تاراتىلدى.
تەك اكسيا كەزەڭىندەگى رەيدتىك ءىس-شارالار كەزىندە 9 ەرەسەك ادام مەن 2 بالانىڭ قازا بولۋىنىڭ الدىن الدى، قار قۇرساۋىندا كولىكتە تۇرىپ قالعان ادامدارعا كومەك كورسەتىلدى، شاردارا سۋ قويماسىنىڭ جاعاسىنان 10 كم قاشىقتىقتا تۇماندا اداسقان 2 بالىقشى تابىلىپ، ەۆاكۋاسيالاندى.
ايتا كەتۋ كەرەك، مۇنداي جاعدايلار قاراپايىم قاۋىپسىزدىك ەرەجەلەرىن بۇزۋ كىناسىنەن بولادى. قۇقىق بۇزۋشىلار اكىمشىلىك جاۋاپكەرشىلىككە تارتىلادى. تەك اكسيا كەزەڭىندە 156 حاتتاما جاسالدى، جالپى سوماسى 4 ملن. استام تەڭگە ايىپپۇل سالناتيجەسىندە ادامداردىڭىندى. بۇل جاعدايدا ايىپپۇل ءولىمنىڭ الدىن الۋ قۇرالى بولىپ تابىلادى.
«مۇز-2024» رەسپۋبليكالىق ۇگىت-پروفيلاكتيكالىق اكسياسى 2025 جىلعى قىس مەزگىلى سوڭىنا دەيىن جانە جۇقا مۇز كەزەڭى بويى وتكىزىلەتىن بولادى! ءتجم-نىڭ نەگىزگى مىندەتى – ادام ءولىمىنىڭ الدىن الۋ جانە سۋ ايدىندارىنداعى (مۇزداعى) قىسقى كەزەڭدەگى توتەنشە جاعدايلارعا (سونىڭ ىشىندە جۇقا مۇزعا) جەدەل دەن قويۋ!
تجم قاراڭعىدا، ناشار كورىنگەن كەزدە جانە مۇزدىڭ قاتۋى مەن ەرۋى كەزىندە مۇزعا شىعۋعا قاتاڭ تىيىم سالىناتىنىن، جانە مۇزدىڭ ءقاۋىپسىز قالىڭدىعى ءبىر ادام ءۇشىن 10 سانتيمەتردەن كەم ەمەس ەكەندىگىن ەسكەرەدى.
مۇزدا بولعان كەزدە:
1) مۇزدىڭ جۇقا جانە تولىق قاتپاعان جەرلەرىنە شىعۋعا؛
2) مۇزدىڭ جەكەلەگەن (ءقاۋىپتى) ۋچاسكەلەرىندە توپتارمەن جينالۋعا؛
3) مۇزداعى ويىقتارعا، جارىقتارعا جاقىنداۋعا؛
4) وتكەلدەر ءۇشىن بولىنگەن ورىنداردىڭ شەكاراسىنان تىس كولىك قۇرالدارىمەن مۇزعا شىعۋعا؛
5) وت جاعۋعا؛
6) 20 سانتيمەتردەن از قاشىقتىقتا ەكى تەسىكتى، ال باسقا جۇپ تەسىكتەردەن 2 مەتردەن از قاشىقتىقتا ەكى تەسىكتى تەسۋ؛
7) مۇزدا جابدىقتار مەن قوقىستاردى قالدىرۋعا جول بەرىلمەيدى.