«پاۆلودار» اۋەجايىندا وقۋ-جاتتىعۋلار ءوتتى، ونىڭ ماقساتى - اۋە كەمەسىنىڭ بورتىندا توتەنشە جاعدايلار كەزىندە ءتۇرلى قىزمەتتەردىڭ ءىس-قيمىلدارىنا دايىندىقتى ارتتىرۋ جانە ۇيلەستىرۋ.
پاۆلودار وبلىسى تجد بولىمشەلەرى مەن اۋەجاي قىزمەتكەرلەرى ادامداردى ۇشاقتان تەز جانە ءقاۋىپسىز ەۆاكۋاسيالاۋ بويىنشا جاتتىعۋلار وتكىزدى، اۋە كەمەسىنىڭ بورتىندا ءورتتى ءتيىمدى ءسوندىرۋ ءۇشىن ادىستەر مەن جابدىقتار پىسىقتالدى، دەپ حابارلايدى aqshamnews.kz توتەنشە جاعدايلار مينيسترلىگىنە سىلتەمە جاساپ.
وقۋ-جاتتىعۋدىڭ تاكتيكالىق ويىنا سايكەس، Boeing 737-300 اۋە كەمەسى قونۋ كەزىندە رەاكتيۆتى قوزعالتقىشتىڭ مەحانيكاسى زاقىمدانىپ 106 شارشى مەتر اۋماعىندا جانۋ ورىن الدى. اۋە كەمەسىنىڭ كومانديرى اۋە ديسپەچەرىنە توتەنشە جاعدايدىڭ تۋىنداۋى، اپاتتىق قونۋ جانە ءورت ءسوندىرۋ ەكيپاجىنىڭ قاجەتتىلىگى تۋرالى اقپارات بەردى. اپاتقا ۇشىراعان ۇشاقتان كەيىن شۇعىل قىزمەت ماماندارى شارتتى زارداپ شەككەندەردى ەۆاكۋاسيالاۋعا جانە ءورتتى جويۋعا دەرەۋ كىرىستى.
سونداي-اق، وسىنداي وقۋ-جاتتىعۋ «اۋليە اتا» حالىقارالىق اۋەجايىندا وتكىزىلدى. ورت-تاكتيكالىق وقۋ-جاتتىعۋدىڭ سەناريى بويىنشا «تالدىقورعان-شىمكەنت» اۋە باعىتى بويىنشا ۇشقان جولاۋشىلار ۇشاعىنىڭ قوزعالتقىش بولشەگى اقاۋعا ۇشىراپ، «ءاۋلي-اتا» حالىقارالىق اۋەجايىنا اپاتتى جاعدايدا قونۋعا ءماجبۇر بولدى. ۇشاق اپاتتى جاعدايدا قونۋ بارىسىندا جانارماي باگى زاقىمدانۋى سالدارىنان اۆياسيالىق وتىننىڭ توگىلۋ جاعدايى ورىن الىپ، ءورت شىققان. ۇشاقتاعى ءورتتى ءسوندىرۋ ءۇشىن كومەككە ءورت ءسوندىرۋ قىزمەتىن شاقىرعان اۋەجايداعى جەرگىلىكتى ءورت سوندىرۋشىلەر، ولار كەلىپ جەتكەنگە دەيىن ءورت ءسوندىرۋ جۇمىستارىن جۇرگىزدى. ال ودان ءارى وقيعا ورنىنا جەدەل جەتكەن جامبىل وبلىسى تجد كۇشتەرى مەن قۇرالدارى ورتكە ورانعان ۇشاقتى سۋمەن، كوبىكپەن ءسوندىرۋ جۇمىستارىن اتقارىپ، سونداي-اق ادامداردى قۇتقارۋ جانە ءقاۋىپسىز ورىنعا كوشىرۋ جۇمىستارىمەن اينالىسقان. ءورت وقيعاسى ورنىندا 2 جاۋىنگەرلىك ۋچاستوك قۇرىلىپ، 5 ادام قۇتقارىلىپ، 85 ادام ءقاۋىپسىز ورىنعا كوشىرىلدى. زارداپ شەككەندەرگە العاشقى دارىگەرگە دەيىنگى كومەك كورسەتىلىپ، جەدەل تۇردە اۋرۋحاناعا جونەلتىلدى.
ورت-تاكتيكالىق وقۋ-جاتتىعۋلار سوڭىندا ۇشاقتاعى ءورتتى ءسوندىرۋ بويىنشا جان-جاقتى ءتۇسىندىرۋ جۇمىستارى جۇرگىزىلىپ، وقۋ-جاتتىعۋلار قورىتىندىلاندى.